செய்திகள் :

நியதி சேத்ரான்ஷ்: அன்று 3-வது மாடியிலிருந்து தூக்கி வீசப்பட்ட பெண் குழந்தை; ஆனால், இன்று...

post image

பலநேரங்களில், நமக்கு எந்த வித தொடர்புமில்லாத, எங்கோ யாரென்ற தெரியாத ஒருவர் அடைகிற வெற்றி நமக்கு பெரும் தன்னம்பிக்கையைக் கொடுக்குமல்லவா? அதுவும் சிறுவயதிலேயே துன்பங்களைக் கடந்து ஒருவர் சாதித்தால்... அப்படித்தான் டெல்லியைச் சேர்ந்த 13 வயது நியதி சேத்ரான்ஷ் என்கிற சிறுமியை வாரி அணைத்துக் கொண்டாடத் தோன்றுகிறது. யார் இந்த நியதி சேத்ரான்ஷ்? அவரைக் கொண்டாட வேண்டிய அவசியம் என்ன? அவர் செய்த சாதனைதான் என்ன?

 Niyati chetransh
Niyati chetransh

நியதி பிறந்தபோது, 'பெண் குழந்தை' என்கிற ஒரே காரணத்துக்காக பெற்ற தகப்பனே மருத்துவமனைக்கு வந்து பார்க்கவில்லையாம். பச்சிளம் குழந்தையை கைகளில் ஏந்தியபடி புகுந்த வீட்டுக்கு வந்த நியதியின் அம்மாவை, அந்த வீடு வேண்டாத விருந்தாளியாகவே பார்த்திருக்கிறது. இதைவிடக் கொடுமை, நியதி ஒரு மாத கைக்குழந்தையாக இருந்தபோது அவளுக்குத் தாய்ப்பால் கொடுக்கக்கூடாது என, அவளை ஒரு அறையில் தனியாக வைத்திருக்கிறார் அவள் அப்பா. அதே நாளில், நியதியை மூன்றாவது மாடியில் இருந்து ஜன்னல் வழியாக கீழே வீசி எறிந்திருக்கிறார். ஆனால், பக்கத்து வீட்டு நபர் ஒருவர் நியதியை கீழே விழாமல் பிடித்துக் காப்பாற்றியிருக்கிறார்.

அன்றைக்கே மகளைத் தூக்கிக்கொண்டு பிறந்த வீட்டுக்கு வந்திருக்கிறார் நியதியின் அம்மா. 'குழந்தைக்காக இன்னொரு திருமணம் செய்துகொள்' என்றவர்களின் அறிவுரைகளையும் புறந்தள்ளி விட்டு, இனி தன்னுடைய வாழ்க்கை மகளுக்காக மட்டுமே என்று முடிவெடுத்திருக்கிறார். நியதியின் அப்பாவைப் போன்ற ஓர் ஆணுடன் வாழ்ந்தப்பெண்ணால், இதைத் தவிர வேறு என்ன முடிவு எடுத்துவிட முடியும்?

குழந்தைகள் நடக்க ஆரம்பித்தபிறகு பொம்மைகளை மட்டுமல்ல, கிச்சனில் இருக்கிற பாத்திரங்களையும் எடுத்து வைத்து விளையாடுவார்கள். ஆனால், நியதி 6 மாதக் குழந்தையாக இருக்கும்போது அந்தப் பாத்திரங்களில் ஒலி எழுப்பி ரசிக்க ஆரம்பித்திருக்கிறார். மகளுக்கு இசையின்மீது ஆர்வம் இருக்கிறது என புரிந்துகொண்ட நியதியின் அம்மா, குழந்தைகளுக்கான பொம்மை கீ போர்ட் வாங்கிக்கொடுத்திருக்கிறார். இந்த கீ போர்டில் தன் பிஞ்சுக்கரங்களால் விதவிதமாக ஒலிகளை எழுப்ப ஆரம்பித்திருக்கிறாள் நியதி. மகளின் எதிர்காலம் இசையில்தான் தொடங்கவிருக்கிறது என்பதை புரிந்துகொண்ட நியதியின் அம்மா, அவளை இசை வகுப்பில் சேர்த்திருக்கிறார். பிறகு நியதியின் ஐந்தாவது வயதில் லண்டன் ட்ரினிட்டி கல்லூரியில் பியானோ தேர்வுகளை எழுத ஆரம்பித்திருக்கிறார்.

இதன்பிறகு நியதியின் இசைப்பயணத்தில், அவருடைய தாயின் அன்பும் விதவிதமான இசைக்கருவிகளும் மட்டுமே இருந்து வந்திருக்கிறது. தற்போது பியானோவைத் தவிர, கீ போர்டு, உகுலேலே, தபலா, புல்லாங்குழல், மவுத் ஆர்கன், மெலோடிகா, மரக்காஸ், கலிம்பா, கசூ, ஒக்கரினா, தப்லி உள்ளிட்ட 42 இசைக்கருவிகளை நியதியால் வாசிக்க முடியும். தேசிய கீதத்தை அதிகபட்சமாக 15 இசைக்கருவிகளில் வெறும் 65 விநாடிகளில் இசைக்கிற சாதனையையும் நியதி செய்திருக்கிறார். இந்த சாதனை ஆசிய புக் ஆஃப் ரெக்கார்ட்ஸில் பதிவு செய்யப்பட்டுள்ளது.

 Niyati chetransh
Niyati chetransh

'என் அம்மா மிகவும் உறுதியானவர். எனக்குள் இருக்கிற இசையை முழுமையாக வெளிக்கொண்டு வர அவர் தொடர்ந்து முயற்சி செய்கிறார். அதனால்தான், தற்போது எனது ஏழாம் நிலை பியானோ தேர்ச்சிக்காக உழைத்துக்கொண்டிருக்கிறேன். நானும் அம்மாவும் ஒன்றாக விளையாடுகிறோம், சுற்றுலா செல்கிறோம், ஒருவருக்கொருவர் துணையாக இருக்கிறோம். சிறந்த இசையமைப்பாளர் ஆக வேண்டுமென்பதே என்னுடைய லட்சியம்' என்கிற நியதி, தன் அப்பாவைப்போன்ற ஆண்களுக்கும் ஒரு செய்தி சொல்லியிருக்கிறார். அது, பெண் குழந்தைகளைக் காப்பாற்றுங்கள் என்பதுதான்.

எத்துணை கூர்மையான வார்த்தைகள்!

`அந்த உயிர்போனதுக்கு நானும் தான காரணம்' - யூடியூபரின் அந்த வீடியோவும், என் நினைவலைகளும்

அந்தப் பிரபல யூடியூபர்காரில் இருந்து மற்றவர்களுக்கு உதவி செய்ததையும், உதவி பெறுபவர்களின் இயலாமையைப் பார்த்து கேலி செய்து அதை வீடியோவாக பதிவிட்டு இருப்பதையும் பார்த்தேன். அந்த அதிர்ச்சியில்இருந்து மீள்... மேலும் பார்க்க

``அது எங்கம்மா தாங்க... என்னாச்சு அவங்களுக்கு?"- பதறிய மகள்; நிதானித்த நான்| ஒரு நாள் அனுபவம்

பரபரப்புக்கு பஞ்சம் இல்லாத திங்கட்கிழமை. எதையும், யாரையும் கண்டுகொள்ளாமல் டூ-வீலரை முறுக்கி அடையாறு பறந்தேன். 'உங்களின் பயம் புற்றுநோய் பற்றியதாக இருக்கக்கூடாது... காலதாமதத்தை பற்றியதாக இருக்க வேண்டும... மேலும் பார்க்க

`அம்மா... எந்திரிம்மா...' - திடீரென இறந்த தாய்; அப்பாவைக் காப்பாற்ற தேர்வெழுதிய மகள்

பட்டுக்கோட்டை அருகே உள்ள வெட்டுவாக்கோட்டை, ராமாபுரம் பகுதியைச் சேர்ந்த தம்பதி ராஜேந்திரன் - கலா. இவர்களின் மூன்றாவது மகள் காவியா (17). இவர் ஊரணிபுரம் அரசு மேல்நிலைப்பள்ளியில் பன்னிரெண்டாம் வகுப்பு படி... மேலும் பார்க்க

நிறைவேறாத தந்தையின் ஆசை; கோவை டு சென்னை விமானத்தில் பறந்த முதியவர்கள்; நெகிழ்ச்சி சம்பவம்

திருப்பூரைச் சேர்ந்த பனியன் நிறுவனத்தின் மேலாண்மை இயக்குநர் பாலன். சுல்தான்பேட்டையைச் சேர்ந்தவர். தன் தந்தையை விமானத்தில் அழைத்துச் செல்லவேண்டும் என்று ஆசைப்பட்டுள்ளார். ஆனால், அது நிறைவேறாமல் போனது. ... மேலும் பார்க்க

UPSC-ல் தேர்ச்சி பெற்றும் நிராகரிப்பு; 15 ஆண்டுகள் சட்டப்போராட்டம் நடத்தி வென்ற மாற்றுத்திறனாளி!

UPSC தேர்வில் தேர்ச்சிப்பெற்றும் பணி நியமனமின்றி நிராகரிக்கப்பட்ட மாற்றுத்திறனாளி, 15 வருட சட்டப் போராட்டத்துக்குப் பிறகு வெற்றி பெற்றிருக்கிறார். பார்வைக் குறைபாடுள்ள ஷிவம் குமார் ஸ்ரீவஸ்தவா, 2008-ம்... மேலும் பார்க்க

`அவர்கள் யாரையுமே எனக்குத் தெரியாது..' - 900 பேரின் மில்லியன் டாலர் கடனை அடைத்த ஹாலிவுட் நடிகர்!

இங்கிலாந்து தெற்கு வேல்ஸில் உள்ள டாடா ஸ்டீல் ஆலை கடந்த செப்டம்பர் மாதம் மூடப்பட்டது. இதனால், அந்த ஆலையில் பணிபுரிந்த கிட்டதட்ட 2,800 பேர் வேலையிழந்தனர். இதனால், ஆலை மூடலுக்கு பெரியளவில் எதிர்ப்பு எழுந... மேலும் பார்க்க