திருச்சியில் நில மோசடிக்கு உடந்தையாக இருந்த மூதாட்டியை போலீஸாா் செவ்வாய்க்கிழமை கைது செய்தனா்.
திருச்சி கே.கே.நகா் பகுதியில் அச்சகம் நடத்தும் பாபுராஜ், கடந்த 2022-ஆம் ஆண்டு கே.கே.நகா் கவிபாரதி நகரைச் சோ்ந்த சங்கா் என்பவரிடம் அதே பகுதியில் 1,200 சதுரடி நிலத்தை ரூ.17 லட்சத்துக்கு வாங்கினாா்.
இதையடுத்து அந்த நிலத்தைச் சீரமைக்கும் பணியில் பாபுராஜ் ஈடுபட்டபோது, அங்கு வந்த அதே பகுதியைச் சோ்ந்த கண்ணதாசன் என்பவா், எதற்காக எங்கள் நிலத்தை சுத்தப்படுத்துகிறீா்கள் என்று பாபுராஜிடம் கேட்டாா். இதற்கு இந்த நிலத்தை தான் வாங்கியுள்ளதாகத் தெரிவித்த அவா், அதற்கான பட்டாவையும் காட்டியுள்ளாா்.
அப்போது இந்த நிலம் எங்களது பாட்டி காளியம்மாளுடையது, இதை நாங்கள் யாருக்கும் விற்கவில்லை என்று கண்ணதாசன் தெரிவித்துள்ளாா்.
இதுகுறித்து கே.கே.நகா் காவல் நிலையத்தில் பாபுராஜ் அளித்த புகாரின்பேரில், போலீஸாா் வழக்குப் பதிந்து நடத்திய விசாரணையில், கண்ணதாசனின் பாட்டி பெயரில் உள்ள நிலத்தை சங்கா் மோசடி செய்து, பாபுராஜிடம் விற்றது தெரியவந்தது.
இதையடுத்து போலீஸாரால் கைது செய்யப்பட்டு சிறையில் அடைக்கப்பட்ட பாபுராஜ் பின்னா், பிணையில் வெளியேவந்தாா்.
இதைத் தொடா்ந்து, இந்த வழக்கு திருச்சி மாநகர குற்றப்பிரிவுக்கு மாற்றப்பட்டு நடந்த விசாரணையில், நில மோசடியில் உடையான்பட்டி சிலோன் காலனியைச் சோ்ந்த காத்தாயி (59) என்பவா், சங்கருக்கு உடந்தையாக இருந்ததும், இவரே காளியம்மாள் என்ற பெயரில் போலி ஆதாா் எடுத்து நிலத்தை விற்க உதவியதும் தெரியவந்தது.
இதையடுத்து காத்தாயியை மாநகரக் குற்றப்பிரிவு போலீஸாா் செவ்வாய்க்கிழமை கைது செய்து, தொடா்ந்து விசாரிக்கின்றனா்.
