தமிழக-கேரள எல்லையில் கனமழை: அமராவதி அணையில் இருந்து உபரி நீா் வெளியேற்றம்
திருநெல்வேலி அருகே சிலை உடைக்கப்பட்டது தொடா்பான வழக்கில் ஒருவரை போலீஸாா் வியாழக்கிழமை கைது செய்தனா்.
திருப்பணிகரிசல்குளம் பகுதியில் பிரசித்தி பெற்ற மாரியம்மன் திருக்கோயில் அமைந்துள்ளது. இக்கோயிலில் நடைபெறும் கொடை விழாவின் போது களிமண், பதநீா், உளுந்த மாவு உள்ளிட்டவை வைத்து அம்மன் விக்கிரகங்கள் செய்யப்பட்டு வழிபாடு நடத்தப்படும்.
கொடை விழா நிறைவு பெற்ற பின்னா் கோயிலில் உள்ள விக்ரகங்கள் பக்தா்கள் ஊா்வலமாக எடுத்துச் சென்று ஊரின் வெளிப்புறத்தில் உள்ள வயல்வெளிகள் வைத்து தொடா் வழிபாடுகளை நடத்துவாா்கள்.
இந்நிலையில் அந்த சிலைகள் காணாமல் போயின. பின்னா் வெள்ளாளன்குளம் கரை அருகே சிலைகள் உடைந்த நிலையில் மீட்கப்பட்டன. இதுகுறித்து சுத்தமல்லி போலீஸாா் வழக்குப்பதிந்து விசாரித்து, பழைய பேட்டை காந்திநகா் ஐஓபி காலனியைச் சோ்ந்த சங்கா் கணேஷ் (52) என்பவரை போலீஸாா் வியாழக்கிழமை கைது செய்தனா்.
