பயனாளிகளுக்கு ரூ.40 லட்சம் இணை மானியத் தொகை

இஸ்லாமிய, கிறிஸ்தவ மகளிா் உதவும் சங்கங்களுக்கு இணை மானியத் தொகையாக ரூ.40 லட்சத்தை பயனாளிகளிடம் ஆட்சியா் செ.சரவணன் புதன்கிழமை வழங்கினாா்.

இஸ்லாமிய மகளிா் உதவும் சங்கம், கிறிஸ்தவ மகளிா் உதவும் சங்கங்கள் மூலம் திரட்டப்படும் நன்கொடைக்கு இணையாக, அரசு சாா்பில் அதிகபட்சம் ரூ.20 லட்சம் ஆண்டுதோறும் இணை மானியமாக வழங்கப்பட்டு வருகிறது.

இதனடிப்படையில், 2023-24-ஆம் ஆண்டுக்கான இணை மானியத் தொகை ரூ.40 லட்சத்தில் ஆதரவற்ற ஏழைகள், உடல் நலம் பாதிக்கப்பட்ட பெண்களுக்கு உதவித் தொகை வழங்கப்படுகிறது. இதனிடையே, திண்டுக்கல் மாவட்டத்தில், இணை மானியத் தொகையை பயனாளிகளுக்கு வழங்குவதற்கான செயற்குழுக் கூட்டம் மாவட்ட ஆட்சியா் செ.சரவணன் தலைமையில் புதன்கிழமை நடைபெற்றது.

கூட்டத்தின்போது, இஸ்லாமிய மகளிா் உதவும் சங்கத்தின் மூலம் பரிந்துரைக்கப்பட்ட 134 பயனாளிகளுக்கு ரூ.20 லட்சம், கிறிஸ்தவ மகளிா் உதவும் சங்கத்தின் மூலம் பரிந்துரைக்கப்பட்ட 111 பயனாளிகளுக்கு ரூ.20 லட்சம் என மொத்தம் 245 பயனாளிகளுக்கு ரூ.40 லட்சத்துக்கான உதவித் தொகையை ஆட்சியா் வழங்கினாா்.

இந்த நிகழ்ச்சியில் தமிழ்நாடு மாநில ஊரக வாழ்வாதார இயக்க திட்ட இயக்குநா் சதீஸ்பாபு, மாவட்ட பிற்படுத்தப்பட்டோா், சிறுபான்மையினா் நல அலுவலா் சுதாகா், கிறிஸ்தவ மகளிா் உதவும் சங்க கௌரவச் செயலா் ஆல்பா்ட் பொ்னான்டோ, இஸ்லாமிய மகளிா் உதவும் சங்க கௌரவச் செயலா் பீா்முகமது உள்ளிட்டோா் கலந்து கொண்டனா்.