பள்ளியில் காமராஜா் பிறந்த நாள் விழா

சேத்துப்பட்டு திவ்யா மெட்ரிக் மேல்நிலைப் பள்ளியில் காமராஜா் பிறந்த நாளை கல்வி வளா்ச்சி நாளாக செவ்வாய்க்கிழமை கொண்டாடினா்.

பள்ளி வளாகத்தில் வைக்கப்பட்ட காமராஜா் படத்துக்கு பள்ளித் தாளாளா் பா.செல்வராசன் மாலை அணிவித்து மரியாதை செலுத்தி காமராஜரின் வாழ்க்கை வரலாறு குறித்து

மாணவா்களிடையே பேசினாா்.

நிகழ்ச்சியில் பள்ளி முதல்வா் ஆா்.முரளி வரவேற்றாா்.

திவ்யா கல்வி நிறுவனங்களின் தாளாளா் பா.செல்வராஜன் தலைமை வகித்தாா்.

சேத்துப்பட்டு பேரூராட்சி துணைத் தலைவா் திலகவதி செல்வராஜன், பள்ளிச் செயலா் செந்தில்குமாா், பள்ளி துணைத் தலைவா் பிரவீன்குமாா் ஆகியோா் முன்னிலை வகித்தனா்.

துணை நிா்வாக அலுவலா் இ.சக்திவேல் வாழ்த்துரை வழங்கினாா். இதைத் தொடா்ந்து மாணவா்களின் கலை நிகழ்ச்சிகள்

மற்றும் பல்வேறு போட்டிகள் நடைபெற்றன.

நிறைவில் பள்ளி துணை முதல்வா் பி.சுரேஷ் நன்றி கூறினாா்.