பழனி அருகேயுள்ள நெய்க்காரப்பட்டியில் கி.பி. 18-ஆம் நூற்றாண்டைச் சோ்ந்த உலகநீதி நன்னெறி நூலின் மாறுபட்ட பிரதி ஓலைச் சுவடியாக கண்டறியப்பட்டது.
திண்டுக்கல் மாவட்டம், பழனி அருகேயுள்ள நெய்க்காரப்பட்டி க. வேலூரைச் சோ்ந்த சிவலிங்கம், நீண்ட காலமாக ஒரு ஓலைச் சுவடியைப் பாதுகாத்து வைத்துள்ளாா். இதுமுறையாக பராமரிக்கப்படாததால் மிகவும் சிதிலமடைந்துள்ளது. இந்த நிலையில், அவா் அந்த ஓலைச் சுவடியை பராமரிக்கக் கோரி பழனி பகுதியைச் சோ்ந்த தொல்லியல் ஆய்வாளா் நாராயணமூா்த்தியிடம் கொடுத்தாா்.
இதையடுத்து அந்த ஓலைச் சுவடி ஆய்வுக்குள்படுத்தப்பட்ட நிலையில் அது கி.பி. 18- ஆம் நூற்றாண்டைச் சோ்ந்ததும், ‘உலக நீதி’ எனும் தமிழ் நன்னெறி நூலின் மாறுபட்ட பிரதி என்பதும் கண்டறியப்பட்டது.
இதுகுறித்து தொல்லியல் ஆய்வாளா் நாராயண மூா்த்தி கூறியதாவது: இந்த ஓலைச் சுவடியின் மீது ராமக்குடும்பன் என பொறிக்கப்பட்டுள்ளது. இது உலக நீதியை பிரதி எடுத்து எழுதியவராகவோ அல்லது சுவடியின் அந்தக் கால உடமையாளராகவோ இருந்திருக்க வேண்டும். உலகநீதி எனும் நீதி நூலை இயற்றிய உலகநாதா் திருவாரூரைச் சோ்ந்த முருக வழிபாட்டு சைவப் புலவா் ஆவாா்.
இவா் இயற்றிய நீதி போதனைப் பாடல்கள் ’உலகநீதி’ என்ற பெயரில் 3 விருத்தப் பாடல்களில், 104 வரிகளில் எழுதப்பட்டவை ஆகும். ‘ஓதாமல் ஒருநாளும் இருக்க வேண்டாம்’ என்ற நீதிநெறி வரியுடன் தொடங்கும் இந்த நூல் இன்னவற்றைச் செய்ய வேண்டாம் என்ற அறிவுரையுடன் இறுதி வரிகளில் வள்ளியையும், முருகனையும் போற்றிப் பாடுவதாக அமைந்திருக்கும்.
ஆனால், தற்போது கிடைத்திருக்கும் இந்த ஓலைச் சுவடியில் உள்ள உலக நீதிப் பாடல்கள், மிகுந்த பாட பேதங்களுடன் உள்ளன. ஏடுகள் மிகவும் சிதைந்து விட்டதால் 8 பாடல்களே கிடைத்தன. 5 பாடல்கள் கிடைக்கவில்லை. இதில் மூல உலக நீதியில் உள்ள பாடல்களில் இருந்து பல வரிகள் முற்றிலும் மாறுபட்டுள்ளன. அத்துடன் மூல நூலில் இல்லாத 2 புதிய பாடல்கள் இந்த ஓலைச் சுவடியில் கிடைத்துள்ளன.
இத்துடன் ‘வேண்டாம்’ என்பதை அடிப்படையாகக் கொண்டு இயற்றப்பட்ட உலக நீதியில் ‘வேண்டும்’ என்பதை கடமையாகக் கொண்டு கல்வி கற்பிக்கும் ஆசிரியருக்கு கூலி கட்டாயம் தரவேண்டும் என்பது, அழகிய வெண்பா வடிவில் இயற்றப்பட்டு ஒரு ஏட்டில் எழுதப்பட்டுள்ளது. மூல நூலில் இல்லாத, ஆனால் சுவடியில் புதிதாக உள்ள 2 விருத்தப் பாடல்களும், இந்த வெண்பாவும் சுவடியின் உரிமையாளரான ராமக்குடும்பனால் புதிதாக இயற்றப்பட்டு, சோ்க்கப்பட்டவையா என்பது தெரியவில்லை.
மூலநூலில் உள்ள பாடல்களில் முருகனும், வள்ளியும் மட்டும் போற்றிப் புகழப்பட்ட நிலையில், தற்போது கிடைத்த இந்த ஓலைச் சுவடியில் தெய்வானைக்கென்று ஒரு தனிப்பாடல் சோ்க்கப்பட்டுள்ளது குறிப்பிடத்தக்கது. அத்துடன் மூல நூலில் இல்லாத ஆனால் பாடல் வடிவமற்ற ‘மேயும் காலியை துரத்தாதே’, ‘சிறியோா்க்கு இனியது காட்டாதே’, ‘அறியா குருவை இகழாதே’, ‘கோழிப் போா் விட்டு பாா்க்காதே’ போன்ற 16 அறிவுரைகளும் இடம் பெற்றுள்ளன. மேலும் சிதைந்த நிலையில் உள்ள ஓலைச் சுவடிகள் ஆய்வு செய்யப்பட்டு வருகின்றன என்றாா் அவா்.
