முள்ளங்கனாவிளையில் ஊட்டச்சத்து வேளாண்மை இயக்க திட்டம் தொடக்கம்
காஞ்சிபுரம் அருகே அவளூா் கிராமத்தில் பெண்ணை பாலியல் வன்கொடுமை செய்த இளைஞருக்கு 15 ஆண்டுகள் சிறை தண்டனை விதித்து காஞ்சிபுரம் நீதிமன்றம் வெள்ளிக்கிழமை தீா்ப்பளித்தது.
வாலாஜாபாத் ஒன்றியத்துக்கு உள்பட்ட அவளூா் கிராமத்தைச் சோ்ந்தவா் பிரகாஷ் (31). இவா் அதே கிராமத்தைச் சோ்ந்த 20 வயது பெண்ணை காதலித்து, கடந்த 2.12.2016- ஆம் தேதி தனது வீட்டிற்கு வரச் சொல்லி திருமணம் செய்து கொள்வதாகக் கூறி, பாலியல் வன்கொடுமையில் ஈடுபட்டுள்ளாா்.
ஆனால், திருமணம் செய்து கொள்ளாமல் தாக்குதலில் ஈடுபட்டு மிரட்டியுள்ளாா். இது தொடா்பாக கடந்த 13.4.2017 அன்று அந்தப் பெண் காஞ்சிபுரம் அனைத்து மகளிா் காவல் நிலையத்தில் புகாா் செய்தாா்.
அதன் பேரில், போலீஸாா் வழக்குப் பதிவு செய்து பிரகாஷை கைது செய்திருந்தனா். இது தொடா்பான வழக்கு காஞ்சிபுரம் மாவட்ட முதன்மை அமா்வு நீதிமன்றத்தில் நடந்து வந்தது. வழக்கில் அரசு வழக்குரைஞா் சசிரேகா ஆஜாரானாா்.
இந்த வழக்கை விசாரித்த மாவட்ட முதன்மை நீதிபதி ப.உ.செம்மல் குற்றம் நிரூபிக்கப்பட்டதால், பிரகாஷுக்கு 15 ஆண்டுகள் சிறை தண்டனையும் ரூ.11 ஆயிரம் அபராதமும், அபராதத்தொகையை செலுத்த தவறினால் மேலும் 6 மாதம் சிறை தண்டனையும் விதித்து நீதிபதி தீா்ப்பளித்தாா்.
