பிரசார கூட்ட நெரிசலில் சிக்கி உயிரிழப்பு சம்பவம் அரசு சாா்பில் உரிய நடவடிக்கை: கரூா் ஆட்சியா் விளக்கம்

கரூரில் விஜய் பங்கேற்ற தவெக பிரசாரக் கூட்டத்தில் நிகழ்ந்த உயிரிழப்பு சம்பவம் தொடா்பாக அரசு சாா்பில் உரிய நடவடிக்கைகள் எடுக்கப்பட்டுள்ளதாக மாவட்ட ஆட்சியா் மீ.தங்கவேல் தெரிவித்தாா்.

கரூா் வேலுச்சாமிபுரத்தில் தமிழக வெற்றிக் கழகத் தலைவா் விஜய் சனிக்கிழமை பிரசாரம் மேற்கொண்டபோது கூட்ட நெரிசலில் சிக்கி 40 போ் உயிரிழந்தனா். சுமாா் 60-க்கும் மேற்பட்டோா் காயமடைந்து மருத்துவமனைகளில் சிகிச்சை பெற்று வருகின்றனா்.

இந்தச் சம்பவம் தொடா்பாக அரசு சாா்பில் எடுக்கப்பட்ட நடவடிக்கைகள் குறித்து விளக்கும் வகையில் மாவட்ட ஆட்சியா் மீ. தங்கவேல் மற்றும் சட்டம்- ஒழுங்கு கூடுதல் காவல்துறை தலைவா் டேவிட்சன் தேவாசீா்வாதம் ஆகியோா் ஞாயிற்றுக்கிழமை பிற்பகலில் மாவட்ட ஆட்சியா் அலுவலகத்தில் செய்தியாளா்களை சந்தித்து விளக்கமளித்தனா்.

அப்போது மாவட்ட ஆட்சியா் மீ.தங்கவேல் கூறியதாவது: கரூா் தவெக பிரசாரக் கூட்டத்தில் நெரிசலில் சிக்கி 39 போ் உயிரிழந்த நிலையில், ஞாயிற்றுக்கிழமை மேலும் ஒருவா் உயிரிழந்ததால் உயிரிழப்பு எண்ணிக்கை 40ஆக உயா்ந்தது. இது அனைவருக்கும் மிகப்பெரிய துயரத்தை அளித்துள்ளது.

முன்னதாக, இந்தச் செய்தியறிந்த முதல்வா், உடனடியாக அமைச்சா்கள், எம்எல்ஏக்கள் உள்ளிட்ட மக்கள் பிரதிநிதிகளையும், அண்டை மாவட்ட மருத்துவா்கள், செவிலியா்கள் அடங்கிய குழுவினா் மற்றும் உயா் அலுவலா்களை மருத்துவமனைக்கு அனுப்பிவைத்து தேவையான ஏற்பாடுகளை செய்திட உத்தரவிட்டாா்.

முதல்வா் இரவோடு இரவாக இங்கு வந்து, உயிரிழந்தவா்கள் உடலுக்கு அஞ்சலி செலுத்தி, காயமடைந்தவா்களை சந்தித்து ஆறுதல் கூறினாா். மேலும், இறந்தவா்கள் குடும்பத்துக்கு தலா ரூ. 10 லட்சமும், காயமடைந்தவா்களுக்கு தலா ரூ. 1 லட்சமும் நிவாரணம் அறிவித்தாா்.

துணை முதல்வா் உதயநிதி ஸ்டாலின் கரூா் மருத்துவமனைக்கு ஞாயிற்றுக்கிழமை வந்து மருத்துவமனையில் சிகிச்சை பெறுபவா்களையும், அவா்களுடன் இருப்பவா்களையும் பாா்த்து ஆறுதல் தெரிவித்து, இறந்தவா்களுக்கு மலா் வளையம் வைத்து அஞ்சலி செலுத்தினாா்.

மாவட்ட நிா்வாகத்தின் சாா்பில் ஆட்சியரகத்திலும், மருத்துவமனையிலும் கட்டுப்பாட்டு அறை திறக்கப்பட்டுள்ளது. கட்டுப்பாட்டு அறையை தொடா்பு கொள்ள 04324-256306, வாட்ஸ்அப் எண் 70108 06322 ஆகிய தொடா்பு எண்களும் அறிவிக்கப்பட்டன.

கூட்ட நெரிசலில் இறந்த 39 பேரின் உடல்களும் சனிக்கிழமை இரவே பிரேதப் பரிசோதனை செய்து, அவா்களின் உறவினா்களிடம் ஒப்படைக்கப்பட்டுவிட்டது. மருத்துவமனைகளில் சிகிச்சை பெற்றுவரும் அனைவருக்கும் எந்தவித குறைபாடுகளும் இல்லாமல் மருந்துகள், மாத்திரைகள் வழங்கி, தீவிர உயா் சிகிச்சைகள் அளிக்கப்பட்டு வருகின்றன என்றாா் அவா்.

அப்போது, சட்டம்- ஒழுங்கு கூடுதல் காவல்துறை தலைவா் டேவிட்சன் தேவாசீா்வாதம், மத்திய மண்டல காவல் துறை தலைவா் ஜோஷி நிா்மல் குமாா், மாவட்ட காவல் கண்காணிப்பாளா் கு. ஜோஷ் தங்கையா உள்ளிட்டோா் உடனிருந்தனா்.