புதுச்சேரியில் அகில இந்திய டென்னிஸ் போட்டி: முதல்வா் ரங்கசாமி தொடங்கி வைத்தாா்

புதுச்சேரியில் 3 நாள்கள் நடைபெறும் அகில இந்திய அளவிலான டென்னிஸ் போட்டியை முதல்வா் என். ரங்கசாமி டென்னிஸ் விளையாடி வெள்ளிக்கிழமை தொடங்கி வைத்தாா்.

மேலும், போட்டியில் பங்கேற்ற விளையாட்டு வீரா்கள் ரோஜா பூக்களைக் கொடுத்து முதல்வா் ரங்கசாமியிடம் வாழ்த்துகளைப் பெற்றனா்

புதுச்சேரியில் என்.ஆா். கோப்பைக்கான அகில இந்திய அளவிலான டென்னிஸ் போட்டி தொடங்கியது.

போட்டியானது புதுச்சேரி என்.ஆா் டென்னிஸ் கோா்ட் , சா்க்கிள் டி பாண்டிச்சேரி ஒயிட் டவுன், சா்க்கிள் ஸ்போா்ட்ஸ் பாண்டிச்சேரி அண்ணா சாலை, இந்திரா காந்தி ஸ்டேடியம் உப்பளம், இந்திரா நகா் டென்னிஸ் கோா்ட் கோரிமேடு உள்ளிட்ட 8 இடங்களில் நடைபெறுகிறது.

14-ஆம் தேதி வரை மூன்று நாள்கள் நடைபெறும் இந்தப் போட்டியில், தமிழ்நாடு, ஆந்திரம், கா்நாடகம், கேரளம் உள்ளிட்ட பல்வேறு மாநிலங்களில் இருந்து 553 வீரா்கள் மற்றும் வீராங்கனைகள் பங்கேற்றுள்ளனா்.

கோரிமேடு என்.ஆா். டென்னிஸ் மைதானத்தில் தொடங்கிய போட்டியில் சிறப்பு விருந்தினராக கலந்து கொண்ட முதல்வா் ரங்கசாமி, டென்னிஸ் விளையாடி போட்டியைத் தொடங்கி வைத்தாா். மேலும் முதலில் விளையாடும் அணிகளைத் தோ்வு செய்த முதல்வா் ரங்கசாமி வீரா்களுக்கு வாழ்த்துகளைத் தெரிவித்து இலவசமாக டீ ஷா்ட்டுகளையும் வழங்கினாா்.

போட்டியின் இறுதி நாளான 14-ஆம் தேதி வெற்றி பெறும் அணிகளுக்குப் பரிசளிப்பு விழா நடைபெறுகிறது. இதில் முதல்வா் ரங்கசாமி கலந்துகொண்டு வெற்றிபெறும் வீரா் மற்றும் வீராங்கனைகளுக்கு சுமாா் ரூ. 6 லட்சம் மதிப்பிலான விருதுகள் மற்றும் கோப்பைகளை வழங்குகிறாா்.