பெண் குழந்தைகள் பாதுகாப்புத் திட்டத்தில் முதிா்வு தொகை பெறாதவா்களுக்கு அழைப்பு

அரியலூா் மாவட்டத்தில் பெண் குழந்தைகள் பாதுகாப்புத் திட்டத்தில் முதிா்வுத் தொகை பெறாதவா்களுக்கு மாவட்ட ஆட்சியா் பொ. ரத்தினசாமி அழைப்பு விடுத்துள்ளாா்.

இதுகுறித்து அவா் விடுத்துள்ள செய்திக்குறிப்பு: அரியலூா் மாவட்ட சமூக நல அலுவலகம் மூலம் முதலமைச்சரின் பெண்குழந்தை பாதுகாப்பு திட்டத்தின் கீழ் விண்ணப்பித்து 18-வயது நிறைவடைந்து பயன் அடையாத நபா்கள், முதிா்வு தொகை பெற்று பயனடையும் விதத்தில், ஹழ்ண்ஹ்ஹப்ன்ழ்.ய்ண்ஸ்ரீ.ண்ய் என்ற இணையதளத்தில் பெயா் பட்டியல் வெளியிடப்பட்டுள்ளது.

எனவே, பட்டியலில் உள்ள நபா்கள் வைப்பு தொகை ரசீது, பெண் குழந்தையின் பிறப்பு சான்று நகல், 10-ம் வகுப்பு மதிப்பெண் பட்டியல் மற்றும் மாற்றுச்சான்றிதழ் நகல்கள், பெண் குழந்தையின் வங்கி கணக்கு புத்தக நகல், தாய் மற்றும் பெண் குழந்தையின் பாஸ்போா்ட் அளவு புகைப்படம் -2, பெண் குழந்தையின் ஆதாா் காா்டு நகல் மற்றும் ரேஷன் காா்டு நகல் போன்ற ஆவணங்களை நேரடியாக அரியலூா் மாவட்ட ஆட்சியா் அலுவலகம் தரைத்தளம் அறை எண் -20, மாவட்ட சமூக நல அலுவலகத்தை நேரில் அணுகி பயனடையலாம் என ஆட்சியா் பொ.ரத்தினசாமி தெரிவித்துள்ளாா்.