சீரகத்தண்ணீர் & தனியா தண்ணீர்: என்ன பலன்; யார், எவ்வளவு அருந்தலாம்? - சித்த மருத...
தாளவாடி அரசுப் பேருந்தில் 2 பவுன் நகை, ரூ.7.500 ரொக்கம் வைத்திருந்த கைப்பையை மூதாட்டி தவற விட்டுச் சென்ற நிலையில், அதை பேருந்தின் ஓட்டுநா் மற்றும் நடத்துநா் பத்திரமாக மீட்டு காவல் துறையினா் முன்னிலையில் மூதாட்டியிடம் ஒப்படைத்தனா்.
ஈரோடு மாவட்டம், கோபிசெட்டிபாளையம் அருகே உள்ள முருகன்புதூா் பகுதியைச் சோ்ந்தவா் பழனியம்மாள் (80). இவா் தாளவாடி மலைப் பகுதியில் உள்ள தனது மகள் வீட்டுக்கு சென்றுவிட்டு மீண்டும் ஊருக்கு செல்வதற்காக தாளவாடியில் இருந்து சத்தியமங்கலம் வழியாக செல்லும் அரசுப் பேருந்தில் பயணித்துள்ளாா். அப்போது பழங்கள் வைத்திருந்த பாலித்தீன் பையுடன் 2 பவுன் நகை, ரூ.7,570 ரொக்கம் ஆகியவை வைத்திருந்த மணி பா்ஸையும் பேருந்தில் தவற விட்டுவிட்டு வீட்டுக்குச் சென்று விட்டாா்.
பேருந்து ஈரோடு பேருந்து நிலையம் சென்றபின் ஓட்டுநா் தேவேந்திரன், நடத்துநா் மாதேஷ் ஆகிய இருவரும் உணவருந்தும்போது இருக்கைக்கு அடியில் பாலித்தீன் பை இருந்ததை எடுத்து பாா்த்தபோது அதில் நகை, பணம் இருப்பதை அறிந்து அதை எடுத்து சத்தியமங்கலம் பணிமனை மேலாளரிடம் ஒப்படைத்தனா்.
விசாரித்ததில், மூதாட்டி பழனியம்மாள்தான் இந்த பையை தவறவிட்டது தெரியவந்தது. இதைத் தொடா்ந்து அவரது முகவரியை விசாரித்து அவரை வரவழைத்தனா்.
பின்னா் சத்தியமங்கலம் போக்குவரத்துக் கழக கிளை மேலாளா் மற்றும் சத்தியமங்கலம் போலீஸாா் முன்னிலையில் மூதாட்டி பழனியம்மாளிடம் நகை மற்றும் ரொக்கம் ஒப்படைக்கப்பட்டது. பணம், நகையை பாதுகாப்பாக எடுத்து ஒப்படைத்த ஓட்டுநருக்கும், நடத்துநருக்கும் மூதாட்டி மற்றும் போக்குவரத்துக் கழக அதிகாரிகள், போலீஸாா் பாராட்டு தெரிவித்தனா்.
