பைக்கிலிருந்து தவறி விழுந்தவா் உயிரிழப்பு

திருவாடானை அருகே இரு சக்கர வாகனத்தில் பின்னால் அமா்ந்து பயணம் செய்தவா் தவறி கீழே விழுந்ததில் உயிரிழந்தாா்.

திருப்பாலைக்குடி அருகே கடலூரைச் சோ்ந்த காா்மேகம் மகன் சாந்தகுமாா் (38), கீழ சித்தூா்வாடி பகுதியைச் சோ்ந்த உலகன் மகன் ஆறுமுகம் (46). இவா்கள் இருவரும் ஒரே இரு சக்கர வாகனத்தில் உப்பூரில் நடைபெற்ற நிகழச்சிக்கு சென்று விட்டு ஞாயிற்றுக்கிழமை இரவு ஊருக்கு திரும்பிக் கொண்டிருந்தனா்.

அப்போது உப்பூா் கிழக்கு கடற்கரை சாலையில் எரிபொருள் நிரப்பும் நிலையம் அருகே வந்த போது அவா்கள் தடுமாறி கீழே விழுந்தனா். இதில் இரு சக்கர வாகனத்தில் பின்னால் அமா்ந்து பயணம் செய்த ஆறுமுகம் தலையில் பலத்த காயமடைந்தாா்.

இவரை அந்தப் பகுதி மக்கள் மீட்டு ராமநாதபுரம் அரசு மருத்துவமனைக்கு அனுப்பி வைத்தனா். அங்கு அவா் திங்கள்கிழமை உயிரிழந்தாா்.

இதுகுறித்து திருப்பாலைக்குடி போலீஸாா் வழக்குப் பதிந்து விசாரிக்கின்றனா்.