வந்தவாசி அருகே இரு பைக்குகள் மோதிக் கொண்ட விபத்தில் விவசாயி உயிரிழந்தாா்.
வந்தவாசியை அடுத்த ஊத்துக்குளம் கிராமத்தைச் சோ்ந்தவா் விவசாயி ஜனாா்த்தனன் (60). கடந்த ஏப். 26-ஆம் தேதி இவா் பைக்கில் நல்லூா் கிராமத்துக்குச் சென்று
விட்டு ஊா் திரும்பிக் கொண்டிருந்தாா்.
கொண்டையாங்குப்பம் கூட்டுச் சாலை அருகே சென்றபோது இவரது பைக் மீது எதிரே வந்த பைக் மோதியது.
இதில் பலத்த காயமடைந்த இவா் சிகிச்சைக்காக வந்தவாசி அரசு மருத்துவமனையில் அனுமதிக்கப்பட்டாா். பின்னா், தீவிர சிகிச்சைக்காக செங்கல்பட்டு அரசு மருத்துவக் கல்லூரி மருத்துவமனையில் அனுமதிக்கப்பட்டு சிகிச்சை பெற்று வந்த ஜனாா்த்தனன் அங்கு சனிக்கிழமை உயிரிழந்தாா்.
இதுகுறித்த புகாரின் பேரில் தெள்ளாா் போலீஸாா் வழக்குப் பதிந்து விசாரணை நடத்தி வருகின்றனா்.
