தனது தொண்டா்களை கட்டுப்பாடற்ற முறையில் வழிநடத்தக்கூடிய பொறுப்பற்ற தலைவராக தவெக தலைவா் விஜய் உள்ளதாக மனிதநேய மக்கள் கட்சித் தலைவா் ஜவாஹிருல்லா எம்எல்ஏ குற்றம்சாட்டினாா்.
கிருஷ்ணகிரியில் மனிதநேய வழக்குரைஞா்கள் சங்கத்தின் மாநில செயற்குழுக் கூட்டம் வியாழக்கிழமை நடைபெற்றது. இக்கூட்டத்தில் கலந்துகொண்ட பிறகு ஜவாஹிருல்லா செய்தியாளா்களிடம் கூறியதாவது: தமிழகத்தில் அரசு சட்டக் கல்லூரிகளில் கட்டப்பட்டுள்ள புதிய கட்டடங்களை மாணவா்களின் பயன்பாட்டிற்கு கொண்டுவர வேண்டும்.
அனைத்து காவல் நிலையங்களிலும் உள்ள கண்காணிப்பு கேமராக்கள் முறையாக செயல்படுகிா என்பதை உயா் அலுவலா்கள் நேரில் ஆய்வுசெய்ய வேண்டும்.
நீதித் துறையில் அனைத்து சமூக மக்களும் பயன்பெறும் வகையில் சமூகநீதி பின்பற்ற வேண்டும். தமிழ்நாடு வழக்குரைஞா்கள் பாதுகாப்பு சட்டத்தை மத்திய, மாநில அரசுகள் உடனடியாக நடைமுறைப்படுத்த வேண்டும்.
உச்சநீதிமன்றத்தின் கிளையை தமிழகத்தில் அமைக்க மத்திய அரசுக்கு மாநில அரசு அழுத்தம் தரவேண்டும். கரூா் சம்பவம் தொடா்பாக நடிகா் விஜய் வெளியிட்டுள்ள விடியோ பதிவில், தான் எந்தத் தவறும் செய்யாமல், எல்லா தவறுகளும் தமிழக அரசு செய்துள்ளது போல பேசியிருப்பது கண்டிக்கத்தக்கது. ஒரு பொறுப்பற்ற தன்மையிலேதான் அவா் தொடா்ந்து செயல்படுகிறாா் என்பதற்கான எடுத்துக்காட்டாக இது அமைந்திருக்கிறது.
வட மாநிங்களில் பாஜக ஆட்சி நடத்தும் மாநிலங்களில் ஏற்பட்ட உயிரிழப்புகளின்போது அங்கே பாஜகவின் சாா்பில் உண்மை அறியும் குழு அனுப்பப்படவில்லை. ஆனால், கரூா் நிகழ்வுக்கு ஹேமமாலினி தலைமையில் உண்மை அறியும் குழு வந்துள்ளது நியாயமற்றது.
இக்குழுவின் வருகைக்குப் பிறகே விஜய் தனது வீட்டைவிட்டு வெளியே வந்துள்ளாா். இதன்மூலம் விஜயை இயக்குவது பாஜகதான் என்பது தெளிவாகியுள்ளது என்றாா்.
