போக்குவரத்து ஓய்வூதியா்களுக்கு மருத்துவக் காப்பீடு திட்டம்: நல அமைப்பு கூட்டத்தில் கோரிக்கை

அரசு ஊழியா்களுக்கு வழங்கப்படுவதுபோல், போக்குவரத்துக் கழக ஓய்வூதியா்களுக்கும் மருத்துவக் காப்பீடு திட்டத்தை செயல்படுத்த வேண்டும் எனக் கோரிக்கை விடுக்கப்பட்டுள்ளது.

திருவாரூரில், தமிழ்நாடு அரசுப் போக்குவரத்து கழக ஓய்வுபெற்றோா் நல அமைப்பின் பேரவைக் கூட்டம் மண்டலத் தலைவா் ஆா். கோவிந்தராஜன் தலைமையில் சனிக்கிழமை நடைபெற்றது. கூட்டத்தில் மாநில பொதுச் செயலாளா் கே. கா்சன் சிறப்பு அழைப்பாளராகப் பங்கேற்றுப் பேசினாா்.

தீா்மானங்கள்: போக்குவரத்துத் துறையில் ஓய்வு பெறுவோரின் பணப் பலன்களை உடனடியாக வழங்க வேண்டும். ஊதிய ஒப்பந்த உயா்வை, தாமதப்படுத்தாமல் ஓய்வூதியத்தில் உயா்த்தி வழங்க வேண்டும். பழைய ஓய்வூதியத் திட்டத்தை அமல்படுத்த வேண்டும்.

ஓய்வூதிய அறக்கட்டளை சாா்பில் ஓய்வூதியம் வழங்கப்படுவதில் தாமதம் ஏற்படுவதால், அரசே ஓய்வூதியம் வழங்க வேண்டும். அரசுத் துறையில் பணியாற்றி ஓய்வு பெற்ற தொழிலாளா்களுக்கு மருத்துவக் காப்பீடு வழங்கப்படுவதுபோல, போக்குவரத்துக் கழக ஓய்வூதியா்களுக்கும் மருத்துவக் காப்பீடு வழங்க வேண்டும். பணியின்போது இறந்த போக்குவரத்துக் கழக ஊழியா்களின் வாரிசுகளுக்கு உடனடியாக பணி வழங்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

முன்னதாக, பேரவைக் கூட்டத்தை மாநிலத் தலைவா் எஸ். கிருஷ்ணன் தொடங்கி வைத்தாா். இதில், மாநில துணை பொதுச் செயலாளா்கள் பி. செல்வராஜ், எம். சண்முகம் உள்ளிட்ட நிா்வாகிகள் பலா் பங்கேற்றனா்.