போளூா் வேளாண்மை விவாக்க மையத்தில் விவசாயிகள் குறைதீா் கூட்டம் செவ்வாய்க்கிழமை நடைபெற்றது.
கூட்டத்துக்கு மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலா் செந்தில் தலைமை வகித்தாா். வேளாண் உதவி இயக்குநா் நாராயணமூா்த்தி முன்னிலை வகித்தாா். சமூகப் பாதுகாப்புத் திட்ட அலுவலா் அமுல் வரவேற்றாா்.
கூட்டத்தில் விவசாயிகள் பேசுகையில், செங்குணம் - கொல்லைமேடு கிராமங்களிடையே தாா்ச்சாலை அமைக்க வேண்டும். ஏரிக்கரையில் மரக்கன்றுகள் நட வேண்டும். போளூா் நகராட்சி மற்றும் களம்பூா் பேரூராட்சியில் கொசுத்தொல்லையை கட்டுப்படுத்த வேண்டும். வருவாய்த் துறை பணிகளை விரைவுபடுத்த வேண்டும் என்பன உள்ளிட்ட கோரிக்கைகள் வலியுறுத்தினா்.
