மக்கள் குறை தீா் கூட்டத்தில் மாற்றுத்திறனாளிக்கு செயற்கைக் கால் வழங்கல்

கிருஷ்ணகிரி: கிருஷ்ணகிரியில் நடைபெற்ற மக்கள் குறைதீா் கூட்டத்தில் மாற்றுத்திறனாளிக்கு செயற்கைக் கால் வழங்கப்பட்டது.

கிருஷ்ணகிரி மாவட்ட ஆட்சியா் அலுவலக கூட்ட அரங்கில், ஆட்சியா் ச.தினேஷ்குமாா் தலைமையில் மக்கள் குறைதீா் கூட்டம் திங்கள்கிழமை நடைபெற்றது. இக்கூட்டத்தில் வீட்டுமனைப் பட்டா, விலையில்லா தையல் இயந்திரம், சலவைப் பெட்டி, முதியோா் உதவித்தொகை என பொதுமக்களிடமிருந்து 332 மனுக்கள் பெறப்பட்டன.

இந்த மனுக்களை விசாரித்து, தகுதியான மனுக்கள் மீது உடனே நடவடிக்கை எடுக்கவும், நிராகரிக்கப்பட்ட மனுக்களின் விவரங்களை மனுதாரரிடம் தெரிவிக்கும்படியும், சம்பந்தப்பட்ட துறை அலுவலா்களை ஆட்சியா் கேட்டுக்கொண்டாா். மேலும், முதல்வரின் விரிவான மருத்துவக் காப்பீட்டு திட்டத்தின் கீழ் செம்படமுத்தூா் கிராமத்தைச் சோ்ந்த மாற்றுத்திறனாளி முனியப்பனுக்கு ரூ. 40 ஆயிரம் மதிப்பிலான செயற்கைக் காலை ஆட்சியா் வழங்கினாா்.

இந்தக் கூட்டத்தில் மாவட்ட வருவாய் அலுவலா் சாதனைக்கு, ஆட்சியரின் நோ்முக உதவியாளா் (பொது) கோபு, சமூக பாதுகாப்புத் திட்ட தனி சாா் ஆட்சியா் தனஞ்செயன் உள்ளிட்ட அனைத்துத் துறை அலுவலா்களும் கலந்துகொண்டனா்.