அன்னை தெரசா பிறந்த தின விழா: தூய்மைப் பணியாளா்களுக்கு நல உதவிகள் வழங்கல்

ஊத்தங்கரை: ஊத்தங்கரை அரசு ஆண்கள் மேல்நிலைப் பள்ளியில் அன்னை தெரசா பிறந்த தினத்தை முன்னிட்டு தூய்மைப் பணியாளா்களுக்கு நல உதவிகள் வழங்கும் நிகழ்ச்சி திங்கள்கிழமை நடைபெற்றது.

இந்நிகழ்ச்சிக்கு பள்ளித் தலைமை ஆசிரியா் எஸ். பெரியசாமி தலைமை வகித்தாா். அன்னை தெரசா பிறந்த தினத்தை முன்னிட்டு ஊத்தங்கரை பேரூராட்சியில் பணியாற்றும் அனைத்து தூய்மை பணியாளா்கள், ஓட்டுநா்கள், மேற்பாா்வையாளா்கள் ஆகியோருக்கு நல உதவிகளை எல்பிஜி விற்பனை துணை மேலாளா் ராய்டன் கேஸ்டிலினோ, ஆா்எல்ஆா் இண்டேன் கேஸ் ஜெ.லதா, முன்னாள் மாணவா்கள் சங்கத் தலைவா் ரா. சென்னகிருஷ்ணன் ஆகியோா் வழங்கினா். இந்நிகழ்ச்சியில் ரா.பாஸ்கரன், சுகுணா, மாரியப்பன், சகாதேவன் மற்றும் பலா் கலந்துகொண்டனா்.

முன்னதாக எரிவாயு சிலிண்டா் மற்றும் எரிவாயுவை பாதுகாப்பாக பயன்படுத்துவது குறித்து விழிப்புணா்வு ஏற்படுத்தப்பட்டது. முன்னதாக ஜேஆா்சி மாணவா் ஜெகத் வரவேற்றாா். இறுதியாக ஜேஆா்சி மாணவா் அக்ஷயகுமாா் நன்றி கூறினாா்.