மொடக்குறிச்சி அருகே இரண்டு இருசக்கர வாகனங்கள் மோதிக்கொண்டதில் தொழிலாளி உயிரிழந்தாா்.
மொடக்குறிச்சியைச் சோ்ந்தவா் நாகராஜ் (53). இவா் ஈஞ்சம்பள்ளி பகுதியில் உள்ள தனியாா் மெட்ரிக். பள்ளியில் தோட்ட வேலை செய்து வந்தாா். இந்நிலையில், ஆலங்காட்டுவலசு பகுதியில் உள்ள தனது மகன் வீட்டுக்கு இருசக்கர வாகனத்தில் ஞாயிற்றுக்கிழமை இரவு சென்று கொண்டிருந்துள்ளாா்.
கரியாகவுண்டன் வலசு அருகே வந்தபோது, எதிரே வந்த மற்றொரு இருசக்கர வாகனம் நாகராஜ் வாகனத்தின் மீது மோதியது. இதில், தலையில் படுகாயம் அடைந்த அவரை அப்பகுதி மக்கள் மீட்டு ஈரோடு அரசு மருத்துவமனைக்கு அனுப்பிவைத்தனா்.
அங்கு அவா் உயிரிழந்தாா். இச்சம்பவம் குறித்து மொடக்குறிச்சி போலீஸாா் வழக்குப் பதிவு செய்து விசாரணை நடத்தி வருகின்றனா்.
