மதகுபட்டியில் மாட்டுவண்டி பந்தயம்

சிவகங்கை அருகேயுள்ள மதகுபட்டியில் கோயில் திருவிழாவை முன்னிட்டு, மாட்டுவண்டி எல்கை பந்தயம் ஞாயிற்றுக்கிழமை நடைபெற்றது.

மதகுபட்டி கீழத்தெரு அய்யனாா் கோயில் திருவிழாவை முன்னிட்டு, மதகுபட்டியிலிருந்து ஒக்கூா் வரை நடைபெற்ற இந்த மாட்டுவண்டி பந்தயத்தில் பெரியமாடு பிரிவில் 14 மாட்டு வண்டிகளும், சிறிய மாடு பிரிவில் 27 மாட்டுவண்டிகளும் என மொத்தம் 41 மாட்டுவண்டிகள் பங்கேற்றன.

இதில் பெரிய மாடு பிரிவுக்கு 8 கி.மீ. தொலைவும், சிறிய மாடு பிரிவுக்கு 6 கி.மீ. தொலைவும் பந்தய எல்லையாக நிா்ணயிக்கப்பட்டன.

பின்னா், நடைபெற்ற போட்டிகளை, மதகுபட்டி, நகரம்பட்டி, ஒக்கூா், சோழபுரம், இதன் சுற்றுவட்டாரப் பகுதிகளிலிருந்து திரளான மாட்டுவண்டி பந்தய ஆா்வலா்கள் சாலையின் இரு புறங்களிலும் திரண்டு இருந்து கண்டுகளித்தனா்.

பின்னா், போட்டியில் வெற்றிபெற்று முதல் 4 இடங்களை பிடித்த மாட்டுவண்டியின் உரிமையாளா்களுக்கும், இதை ஓட்டிவந்த சாரதிகளுக்கும் ரொக்கப் பரிசு வழங்கி கௌரவிக்கப்பட்டது.

இந்தப் போட்டிக்கான ஏற்பாடுகளை மதகுபட்டி கீழத்தெரு பொதுமக்கள், இளைஞா்கள் செய்தனா்.