மது அருந்துவதைக் கண்டித்த நெசவாளா் கொலை: இளைஞா் கைது

ஆா்.கே.பேட்டை அருகே வீட்டின் பின்புறம் மது அருந்திய இளைஞரை கண்டித்த நெசவு தொழிலாளி கொலை செய்யப்பட்டாா்.

ஆா்.கே.பேட்டை ஒன்றியம் அம்மையாா்குப்பம் கிராமத்தைச் சோ்ந்தவா் காங்கிரஸ் பிரமுகா் ராஜேந்திரன் (60). நெசவுத் தொழில் செய்து வரும்

இவருக்கு மனைவி, 3 மகன்கள் உள்ளனா். செவ்வாய்க்கிழமை இரவு ராஜேந்திரன் தனது வீட்டில் மின்மோட்டாா் மூலம் நெசவு பணியில் ஈடுபட்டிருந்தாா். நள்ளிரவு, 12.30மணிக்கு வீட்டின் பின்புறம் சென்றபோது மா்ம நபா் ஒருவா் கல்லால் ராஜேந்திரனை அடித்து கொலை செய்துவிட்டு தப்பியோடினாா்.

புதன்கிழமை அதிகாலை, ராஜேந்திரன் மனைவி, எழுந்து சென்று பாா்த்தபோது கணவா் ரத்த வெள்ளத்தில் இறந்து கிடந்ததை கண்டு அதிா்ச்சியடைந்தாா். இதுகுறித்து தகவல் அறிந்ததும் ஆா்.கே.பேட்டை போலீஸாா் சம்பவ இடத்துக்கு விரைந்து சென்று ராஜேந்திரன் உடலை மீட்டு பிரேத பரிசோதனைக்காக திருத்தணி அரசு மருத்துவமனைக்கு அனுப்பி வைத்தனா்.

மேலும், சம்பவ இடத்திற்கு திருவள்ளூா் எஸ்.பி., சீனிவாச பெருமாள், டிஎஸ்பி கந்தன் மற்றும் தடவியல் நிபுணா்கள் விரைந்து வந்து ஆய்வு செய்தனா். இதையடுத்து ஆா்.கே.பேட்டை எஸ்.ஐ., ராக்கிகுமாரி மற்றும் போலீஸாா் சந்தேகத்தின் பேரில் இறந்த ராஜேந்திரன் பக்கத்து வீட்டில் வசிக்கும் அரிகிருஷ்ணன் (24) என்பவரை பிடித்து விசாரணை நடத்தினா்.

விசாரணையில், அரிகிருஷ்ணன் நள்ளிரவில் ராஜேந்திரன் வீட்டின் பின்புறம் அமா்ந்து மது அருந்தினாராம். இதைப் பாா்த்ததும் ராஜேந்திரன், மது அருந்தக் கூடாது என அறிவுரை கூறினாா். இதனால் ஆத்திரமடைந்த அரிகிருஷ்ணன் அங்கிருந்த பெரிய கல்லால், ராஜேந்திரன் தலை மற்றும் உடம்பு பகுதியில் பலமாக தாக்கினாா். இதில் காயமடைந்த ராஜேந்திரன் ரத்தவெள்ளத்தில் நிகழ்விடத்திலேயே உயிரிழந்தது தெரிய வந்தது. இதையடுத்து போலீஸாா் அரிகிருஷ்ணனை கைது செய்து சிறையில் அடைத்தனா்.