சத்தியமங்கலத்தை அடுத்த புன்செய் புளியம்பட்டியில் மது வாங்கிக் கொடுத்த நண்பரிடம் ரூ.1.50 லட்சத்தை திருடிய நபரை போலீஸாா் வியாழக்கிழமை கைது செய்தனா்.
ஈரோடு மாவட்டம், புன்செய் புளியம்பட்டி அருகே உள்ள செல்லம்பாளையத்தைச் சோ்ந்தவா் செந்தில்குமாா் (46). இவா் கோவையில் தனக்கு சொந்தமான இடத்தை விற்பனை செய்த வகையில் ரூ.1.50 லட்சத்துடன் புன்செய் புளியம்பட்டிக்கு வந்துள்ளாா்.
அவா் வீட்டுக்கு செல்லும் வழியில் எரங்காட்டுபாளையம் அருகே உள்ள டாஸ்மாக் கடையில் மது அருந்தியபோது, அங்கு வந்த அவரது நண்பா் அருண்குமாருக்கும் மது வாங்கிக் கொடுத்துள்ளாா். மது குடித்த அருண்குமாா், அதிக போதையில் இருந்த செந்தில்குமாரிடம் இருந்து ரூ.1.50 லட்சத்தை திருடிச் சென்றாா்.
இது குறித்து செந்தில்குமாா் அளித்த புகாரின்பேரில், புன்செய் புளியம்பட்டி போலீஸாா் வழக்குப் பதிவு செய்து சிசிடிவி காட்சிகளை ஆய்வு செய்து வந்தனா்.
இதில் சிசிடிவி காட்சியில் பதிவான காட்சியின் அடிப்படையில் செந்தில்குமாரிடம் பணத்தை திருடியது அருண்குமாா் (36) என்பது தெரியவந்தது. இதையடுத்து, அவரைப் பிடித்து போலீஸாா் விசாரித்தபோது, அவா் பணத்தை திருடியதை ஒப்புக்கொண்டாா். இதையடுத்து, அருண்குமாரைக் கைது செய்த போலீஸாா், அவரிடம் இருத்து ரூ.1.50 லட்சத்தை மீட்டனா்.
