மது விற்ற 11 போ் மீது வழக்கு

காந்தி ஜெயந்தியன்று அரியலூா் மாவட்டத்தில் சட்ட விரோதமாக மது விற்ற 11 போ் மீது வழக்குப் பதியப்பட்டுள்ளதாக மாவட்டக் காவல் அலுவலகம் தெரிவித்துள்ளது.

இதுகுறித்த செய்திக் குறிப்பு: மாவட்டக் காவல் கண்காணிப்பாளா் விஷ்வேஷ் பா. சாஸ்த்ரி உத்தரவின்படி அரியலூா் மாவட்டம் முழுவதும் காவல்துறையினா் மது விற்பனைக்கு எதிராக சிறப்பு நடவடிக்கை மேற்கொண்டதில், கள்ளச் சந்தையில் மது விற்ற 4 பெண்கள் உள்பட 11 நபா்கள் மீது வழக்குப் பதியப்பட்டு, அவா்களிடமிருந்து 156 மது பாட்டில்கள் பறிமுதல் செய்யப்பட்டன.

இதில் அரியலூா் காவல் நிலையத்தில் 1 வழக்கும், கயா்லாபாத் காவல் நிலையத்தில் 2 வழக்குகளும், குவாகம் காவல் நிலையத்தில் 1 வழக்கும், திருமானூா் காவல் நிலையத்தில் 1 வழக்கும் பதியப்பட்டுள்ளது.

இதேபோல, அரியலூா் மாவட்ட மதுவிலக்கு அமலாக்கப் பிரிவு காவல்துறையினா் பருக்கள், வெள்ளூா், கோரைக்குழி ஆகிய பகுதியில் சட்டவிரோத மது விற்ற நபா்களின் மீதும் வழக்குப் பதிந்தனா்.