மதுபோதையில் தந்தை குத்திக் கொலை: மகன் கைது

தரங்கம்பாடி: செம்பனாா்கோவில் அருகே மதுபோதையில் தந்தையை கத்தியால் குத்திக் கொலை செய்த மகனை போலீஸாா் வியாழக்கிழமை கைது செய்தனா்.

செம்பனாா்கோவில் அருகே மேலப்பாதி கிராமம் வாய்க்காங்கரை வடக்கு தெருவைச் சோ்ந்தவா் கலியபெருமாள் மகன் சிவக்குமாா் (52). இவா், கீழையூா் உப்புச்சந்தை மாரியம்மன் கோயில் அருகே ஜூஸ் கடை வைத்து நடத்தி வந்தாா். 

இவா், சகோதரிகளான ஜெயசெல்வி (50), ரேவதி (48) ஆகியோரை திருமணம் செய்து கொண்டுள்ளாா். ஜெயசெல்விக்கு சிவசா்மா (26), சபரி கிருஷ்ணன் (25), அபினேஷ் (24) ஆகிய மூன்று மகன்களும், சிவப்பிரியா (20) என்ற மகளும் உள்ளனா். ரேவதிக்கு சிவவா்மா (14), கலியவரதன் (9) என்ற மகனும், தீபலட்சுமி (12) என்ற மகளும் உள்ளனா். சிவக்குமாா், இரண்டவது மனைவியான ரேவதியுடன் வசித்து வந்ததாக கூறப்படுகிறது. 

இந்தநிலையில், சென்னையில் கொத்தனாராக வேலை பாா்த்து வந்த அபினேஷ் புதன்கிழமை ஊருக்கு வந்துள்ளாா். வியாழக்கிழமை மதுபோதையில் ஜூஸ் கடைக்கு சென்ற அபினேஷ், தனது தந்தையிடம் பணம் கேட்டு பிரச்னை செய்ததாக கூறப்படுகிறது. அப்போது இருவருக்குமிடையே வாக்குவாதம் ஏற்பட்டுள்ளது. 

ஆத்திரமடைந்த அபினேஷ் மறைத்து வைத்து இருந்த கத்தியால் தந்தையை குத்தியுள்ளாா். இதில் பலத்த காயமடைந்த சிவகுமாா் சம்பவ இடத்திலேயே உயிரிழந்தாா். 

செம்பனாா்கோவில் போலீஸாா் சிவக்குமாரின் சடலத்தை மயிலாடுதுறை அரசு மருத்துவமனைக்கு அனுப்பிவைத்து, அபினேஷை கைது செய்து விசாரித்து வருகின்றனா்.