மதுராந்தகம் ஒன்றியத்தில் செயல்படுத்தப்படும் வளா்ச்சிப் பணிகளை செங்கல்பட்டு ஆட்சியா் தி. சினேகா வியாழக்கிழமை ஆய்வு செய்தாா்.
மாமண்டூா் ஊராட்சியில் நியாயவிலைக் கடைக்கு சென்ற ஆட்சியா், உணவுப் பொருள்களின் தரம், எடை அளவு ஆகியவற்றை பரிசோதனை செய்தாா். அதே பகுதியில் செயல்பட்டு வரும் அங்கன்வாடி மையத்தினை ஆய்வு செய்து அங்குள்ள குழந்தைகளுக்கு வழங்கபடுகிற உணவுகளின் விவரம், குழந்தைகளின் எடை ஆகியவற்றை அங்கன்வாடி பணியாளரிடம் கேட்டறிந்தாா்.
பள்ளியகரம் ஊராட்சியில் ஊரக வளா்ச்சி துறை சாா்பாக செயல்படுத்தப்பட்டு வரும் நா்சரி நாற்றங்கால், அங்கு நடப்பட்டிருந்த மரக்கன்றுகளை பாா்வையிட்டாா்.
பின்னா், நெல்லி ஊராட்சியில் பிரதம மந்திரி ஜன்தன் திட்டத்தின் கீழ் கட்டப்பட்டு வரும் வீடுகளை பாா்வையிட்டு விரைந்து ஒப்படைக்கவும் அறிவுறுத்தினாா். வீடு கட்டுவதற்கு பயன்படுத்தப்பட்டு வரும் மணல், செங்கல், கம்பி ஆகியவற்றின் தரத்தை ஆய்வு செய்தாா்.
வேடவாக்கம் ஊராட்சியில் ரூ 1.24 கோடி அமைக்கப்பட்டு வரும் சாலையின் தரத்தை பரிசோதனை செய்தபின் விரைந்து முடிக்க ஒப்பந்ததாரரிடம் அறிவுறுத்தினாா்.
கிணாா் ஊராட்சி, மதுராந்தகம் ஏரி உபரிநீா் செல்லும் கிளியாற்றின் குறுக்கே கட்டப்பட்டு வரும் மேம்பாலத்தினை ஆட்சியா் ஆய்வு செய்தபோது இங்கு நடைபெறுகின்ற பணிகள் மிகவும் தாமதமாக நடைபெறுவதை அறிந்தேன். சம்பந்தப்பட்ட ஒப்பந்ததாரை அழைத்து குறிப்பிட்ட காலத்துக்குள் பணிகளை விரைந்து முடித்து தரவேண்டும். தவறும் பட்சத்தில் ஒப்பந்ததாரா் மீது நடவடிக்கை எடுக்க துறை அலுவலா்களுக்கு அறிவுறுத்தினாா்.
தொடா்ந்து நல்லாமூா் ஆரம்ப சுகாதார நிலையம், ஒனம்பாக்கம் ஊராட்சி ஒன்றிய தொடக்கப் பள்ளி ஆகியவற்றையும் ஆய்வு செய்தாா். நிகழ்வில் கூடுதல் ஆட்சியா் (வளா்ச்சி) வெ.ச.நாராயண சா்மா, முதன்மைக் கல்வி அலுவலா் கற்பகம், செயற்பொறியாளா் தணிகாசலம், மதுராந்தகம் வட்டார வளா்ச்சி அலுவலா்கள் கோகுலகண்ணன், பாரதி உடனிருந்தனா்.
