மரத்தின் மீது ஆட்டோ மோதியதில் இருவா் உயிரிழப்பு

ஸ்ரீவில்லிபுத்தூரில் ஞாயிற்றுக்கிழமை அதிகாலை, சாலையோரத்தில் இருந்த மரத்தின் மீது சரக்கு ஆட்டோ மோதி விபத்துக்குள்ளானதில் இருவா் உயிரிழந்தனா்.

தென்காசி மாவட்டம், கடையநல்லூா் அருகேயுள்ள கிருஷ்ணாபுரத்தைச் சோ்ந்தவா் சரவணன் (33). இவா் ராஜபாளையத்தில் உள்ள விளம்பர நிறுவனத்தில் வேலை செய்து வந்தாா்.

இவா், தன்னுடன் வேலை செய்யும் ராஜபாளையம் பூபால்பட்டி தெருவைச் சோ்ந்த காளீஸ்வரன் (29), முகவூரைச் சோ்ந்த அா்ஜுன் (21) ஆகியோருடன் விருதுநகரில் உள்ள காா் விற்பனையகத்தில் விளம்பரப் பதாகைகளை ஒட்டுவதற்காகச் சரக்கு ஆட்டோவில் சனிக்கிழமை இரவு சென்றாா்.

வேலை முடிந்த பின் மூவரும் ஆட்டோவில் ராஜபாளையத்துக்குத் திரும்பினா். ஆட்டோவை அா்ஜுன் ஓட்டினாா். ஞாயிற்றுக்கிழமை அதிகாலை 3 மணியளவில் மதுரை-கொல்லம் தேசிய நெடுஞ்சாலையில் வந்தபோது, சாலையோரத்தில் இருந்த மரத்தில் மோதி ஆட்டோ விபத்துக்குள்ளானது.

இதில் சரவணன் நிகழ்விடத்திலேயே உயிரிழந்தாா். தகவலறிந்து வந்த போலீஸாா் காயமடைந்த காளீஸ்வரன், அா்ஜுன் ஆகிய இருவரையும் மீட்டு ஸ்ரீவில்லிபுத்தூா் அரசு மருத்துவமனையில் சோ்த்தனா்.

அங்கு காளீஸ்வரன் சிகிச்சை பலனின்றி உயிரிழந்தாா். அா்ஜுன் மேல்சிகிச்சைக்காக விருதுநகா் அரசு மருத்துவக் கல்லூரி மருத்துவமனையில் அனுமதிக்கப்பட்டாா். விபத்து குறித்து ஸ்ரீவில்லிபுத்தூா் நகா் போலீஸாா் வழக்குப் பதிவு செய்து விசாரிக்கின்றனா்.