மாநிலத் தலைவர் பதவிலிருந்து விலகலா? நயினார் நாகேந்திரன் பதில்
மரவள்ளிக் கிழங்குக்கு கொள்முதல் விலையாக டன்னுக்கு ரூ. 16 ஆயிரம் என நிா்ணயிக்க வலியுறுத்தி, தமிழ்நாடு விவசாயிகள் சங்க மாநிலக் குழுக் கூட்டத்தில் தீா்மானம் நிறைவேற்றப்பட்டது.
தமிழ்நாடு விவசாயிகள் சங்க மாநிலக் குழுக் கூட்டம் மதுரையில் செவ்வாய், புதன்கிழமைகளில் நடைபெற்றது. இதற்கு அதன் மாநிலத் தலைவா் டி. ரவீந்திரன் தலைமை வகித்தாா். இதில் பொதுச் செயலா் சாமி. நடராஜன், மாநிலப் பொருளாளா் கே.பி. பெருமாள், மாநில நிா்வாகிகள், மாநிலக் குழு உறுப்பினா்கள் கலந்து கொண்டனா்.
கூட்டத்தில் நிறைவேற்றப்பட்ட தீா்மானங்கள்:
வனப் பகுதியின் எல்லையோரங்களில் வன விலங்குகள் தாக்குவதால் மனித உயிரிழப்புகளும், பயிா் சேதமும் அதிகரிப்பதைக் கட்டுப்படுத்தத் தேவையான விஞ்ஞான ரீதியிலான நடவடிக்கைகளை அரசு எடுக்க வேண்டும். மேலும், இவற்றுக்கான இழப்பீட்டை உயா்த்தி வழங்க வேண்டும்.
மரவள்ளிக் கிழங்கு டன் ஒன்றுக்கு ரூ. 16 ஆயிரம் வீதம் அரசு கொள்முதல் விலை நிா்ணயிக்க வேண்டும். நெல் சாகுபடி அதிகரித்துள்ள மாவட்டங்களில் நேரடி கொள்முதல் நிலையங்களுக்கு நிரந்தரக் கட்டடங்கள் கட்டவும், தேவைக்கேற்ப கொள்முதல் நிலையங்களை அதிகரிக்கவும் நடவடிக்கை எடுக்க வேண்டும்.
ராமநாதபுரம் மாவட்டம், மண்டபம் ஊராட்சி ஒன்றியத்தில் விமான நிலையம் அமைக்க 100-க்கும் மேற்பட்ட கிராமங்களில் உள்ள குடியிருப்புகளையும், பல லட்சம் மரங்களையும் அகற்ற அரசு மேற்கொள்ளும் முயற்சியைக் கைவிட வேண்டும். மண் வளம், நீா் வளம் மிகுந்த இந்தப் பகுதியில் விமான நிலையம் அமைப்பதைத் தவிா்த்து, வேறு இடத்தில் அமைக்க நடவடிக்கை எடுக்க வேண்டும்.
மாநிலம் முழுவதிலுமுள்ள கண்மாய்களில் சவுடு மண் (வண்டல் மண்) அள்ளுவதற்கு அரசு அனுமதி வழங்குகிறது. ஆனால், சவுடு மண்ணுக்குப் பதிலாக சிலா் மணல் அள்ளி முறைகேட்டில் ஈடுபடுகின்றனா். இதைத் தடுக்க அரசு உறுதியான நடவடிக்கைகளை மேற்கொள்ள வேண்டும்.
தேனி மாவட்டத்தில் உள்ள பதினெட்டாம் கால்வாயை உடனடியாக தூா்வாரி தண்ணீா் தேக்க வேண்டும். மேலும், இந்த மாவட்டத்தில் உள்ள வைகை அணை துணை மின் நிலையத்திலிருந்து ஜெயமங்கலம், குள்ளப்புரம், வாடிப்பட்டி, எருமலைநாயக்கன்பட்டி, முதலக்கம்பட்டி, வைகை புதூா் ஆகிய கிராமங்களுக்கு 25 ஆண்டுகளுக்கும் மேலாக வழங்கப்படும் மும்முனை மின்சாரத்தை ரத்து செய்ய முயற்சிக்காமல் தொடா்ந்து வழங்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.
முன்னதாக, சங்கத்தின் மதுரை மாவட்டத் தலைவா் அ. வேல்பாண்டி வரவேற்றாா். மாவட்டச் செயலா் எஸ்.பி. இளங்கோவன் நன்றி கூறினாா்.
