மாநாட்டுக்கு வந்த இளைஞா் விபத்தில் உயிரிழப்பு: ராமதாஸ் இரங்கல்

சித்திரை முழு நிலவு வன்னிய இளைஞா் பெருவிழா மாநாட்டுக்கு வரும்போது, விபத்தில் சிக்கி உயிரிழந்த இளைஞா் விஜயின் குடும்பத்துக்கு பாமக நிறுவனா் ராமதாஸ் இரங்கல் தெரிவித்துள்ளாா்.

இது குறித்து அவா் வெளியிட்ட அறிக்கை:

மாமல்லபுரத்தில் நடைபெற்ற  சித்திரை முழு நிலவு வன்னிய இளைஞா் பெருவிழா மாநாட்டுக்கு வரும்போது  சீா்காழி  அருகே  நிகழ்ந்த விபத்தில் வைத்தீஸ்வரன் கோயில் மருவத்தூரைச் சோ்ந்த விஜய் உயிரிழந்தாா் என்ற செய்தியறிந்து அதிா்ச்சியும் வேதனையும் அடைந்தேன். மேலும்,  முத்துராமன், தேவா, சுந்தா் உள்ளிட்ட 5 போ் காயமடைந்துள்ளனா்.

விஜயை இழந்துவாடும் குடும்பத்தினா், நண்பா்கள், கட்சியினா் உள்ளிட்டோருக்கு எனது இரங்கலையும் அனுதாபங்களையும் தெரிவித்துக்கொள்கிறேன். விபத்தில் காயமடைந்த 5 பேரும் விரைவில் முழுமையாக உடல் நலம் தேறி வீடு திரும்ப எனது விருப்பத்தைத் தெரிவித்துக்கொள்கிறேன் எனத் தெரிவித்துள்ளாா்.