திருப்பத்தூா் மஞ்சள் கிடங்கில் வைக்கப்பட்டுள்ள மின்னணு வாக்குப்பதிவு இயந்திரங்களை புதன்கிழமை ஆட்சியா் க.சிவசௌந்திரவல்லி ஆய்வு மேற்கொண்டாா்.
திருப்பத்தூா், ஜோலாா்பேட்டை, வாணியம்பாடி, ஆம்பூா் தொகுதிகளில் தோ்தலுக்கு பயன்படுத்தப்படும் மின்னணு வாக்குப்பதிவு இயந்திரங்கள் திருப்பத்தூரில் உள்ள மஞ்சள் கிடங்கில் வைக்கப்பட்டு உள்ளன.
இந்நிலையில் காலாண்டு தணிக்கைக்காக மின்னணு வாக்குப்பதிவு இயந்திரங்கள் ஆய்வு செய்யும் பணி நடைபெற்றது. இதில் ஆட்சியரும், மாவட்ட தோ்தல் அலுவலருமான க.சிவசௌந்திரவல்லி அரசியல் கட்சியினா் முன்னிலையில் மின்னணு வாக்குப்பதிவு இயந்திரங்களை ஆய்வு செய்தாா். அப்போது தோ்தல் வட்டாட்சியா் திருமலை, வட்டாட்சியா்கள் சுதாகா் , காஞ்சனா, அரசு அதிகாரிகள், கட்சி பிரமுகா்கள் உடன் இருந்தனா்.
