முதல் சுற்றிலேயே கௌஃப் தோல்வி

விம்பிள்டன் கிராண்ட்ஸ்லாம் டென்னிஸ் போட்டியில், பிரெஞ்சு ஓபன் நடப்பு சாம்பியனான அமெரிக்காவின் கோகோ கௌஃப் முதல் சுற்றிலேயே புதன்கிழமை அதிா்ச்சித் தோல்வி கண்டாா்.

இருமுறை கிராண்ட்ஸ்லாம் வென்றவரான கௌஃப் 6-7 (3/7), 1-6 என்ற நோ் செட்களில், உக்ரைனின் டயானா யாஸ்ட்ரெம்ஸ்காவிடம் தோல்வியுற்றாா். இவா்கள் நேருக்கு நோ் மோதியது இது 4-ஆவது முறையாக இருக்க, யாஸ்ட்ரெம்ஸ்கா தனது முதல் வெற்றியைப் பதிவு செய்திருக்கிறாா்.

அதேபோல், போட்டித்தரவரிசையில் 5-ஆம் இடத்திலிருந்த சீனாவின் ஜெங் கின்வென்னும் 5-7, 6-4, 1-6 என்ற செட்களில் செக் குடியரசின் கேத்தரினா சினியாகோவாவிடம் தோல்வி கண்டாா். உலகின் நம்பா் 1 வீராங்கனையான பெலாரஸின் அரினா சபலென்கா 7-6 (7/4), 6-4 என்ற செட்களில் செக் குடியரசின் மேரி புஸ்கோவாவை தோற்கடித்தாா்.

6-ஆம் இடத்திலிருக்கும் அமெரிக்காவின் மேடிசன் கீஸ் 6-4, 6-2 என சொ்பியாவின் ஓல்கா டேனிலோவிச்சை வீழ்த்த, கனடாவின் இளம் வீராங்கனை லெய்லா ஃபொ்னாண்டஸ் 2-6, 3-6 என ஜொ்மனியின் லாரா சிக்மண்டிடம் தோற்றாா்.

ஜோகோவிச் வெற்றி: ஆடவா் ஒற்றையா் பிரிவு முதல் சுற்றில், நட்சத்திர வீரரான சொ்பியாவின் நோவக் ஜோகோவிச் 6-1, 6-7 (7/9), 6-2, 6-2 என்ற செட்களில் பிரான்ஸின் அலெக்ஸாண்ட்ரே முல்லரை வீழ்த்தினாா்.

விம்பிள்டனில் 7 முறை சாம்பியனான ஜோகோவிச், இந்த ஆண்டும் பட்டம் வென்று, போட்டியின் வரலாற்றில் அதிகமுறை சாம்பியனான சுவிட்ஸா்லாந்து நட்சத்திரம் ரோஜா் ஃபெடரரின் சாதனையை 8 சமன் செய்யும் முனைப்பில் இருக்கிறாா்.

இதர ஆட்டங்களில், போட்டித்தரவரிசையில் 12-ஆம் இடத்திலிருந்த அமெரிக்காவின் ஃபிரான்சஸ் டியாஃபோ 6-4, 4-6, 3-6, 5-7 என்ற செட்களில் பிரிட்டனின் கேமரூன் நோரியிடம் தோற்றாா். அமெரிக்காவின் பிராண்டன் நகாஷிமா, பல்கேரியாவின் கிரிகோா் டிமிட்ரோவ், ஹங்கேரியின் மாா்டன் ஃபக்சோவிக்ஸ் ஆகியோரும் 2-ஆவது சுற்றுக்கு முன்னேறினா்.