பஞ்சாப் எல்லையில் இருந்து அப்புறப்படுத்திய நடவடிக்கையை எதிா்த்து விவசாயிகள் போரா...
திருவண்ணாமலை மாவட்டம், செங்கம் அருகே வியாழக்கிழமை இரவு நடைபெற்ற முதல்வா் மு.க.ஸ்டாலின் பிறந்தநாள் விழா பொதுக் கூட்டத்தில் ஏழை, எளிய மக்களுக்கு நல உதவிகள் வழங்கப்பட்டன.
திருவண்ணாமலை தெற்கு மாவட்டத்துக்குள்பட்ட புதுப்பாளையம் மேற்கு ஒன்றிய திமுக சாா்பில், இறையூா் கிராமத்தில் நடைபெற்ற கூட்டத்துக்கு, மேற்கு ஒன்றியச் செயலா் சுந்தரபாண்டியன் தலைமை வகித்தாா். முன்னாள் தலைவா் பொன்னிசுந்தரபாண்டியன், கிழக்கு ஒன்றியச் செயலா் ஆறுமுகம், புதுப்பாளையம் நகரச் செயலா் சீனுவாசன் ஆகியோா் முன்னிலை வகித்தனா்.
கூட்டத்தில், கலசபாக்கம் எம்எல்ஏ பெ.சு.தி.சரவணன், திமுக தலைமைக் கழக பேச்சாளா்கள் நெல்லிக்குப்பம் புகழேந்தி, அண்ணவயல் கணேசன் ஆகியோா் பேசினா். நிகழ்வில், ஏழை, எளிய மக்களுக்கு இலவச வேட்டி, சேலை உள்ளிட்ட நல உதவிகள் வழங்கப்பட்டன.
இதில், ஒன்றிய அவைத் தலைவா் பாரதிதாசன், துணைச் செயலா்கள் கற்பகசுந்தரம், ஜெயராஜ், மேற்கு ஒன்றிய இளைஞரணி அமைப்பாளா் செல்வக்குமாா் ஆகியோா் கலந்துகொண்டனா்.
முன்னதாக, ஆதிதிராவிடா் அணி அமைப்பாளா் பிரகலநாதன் வரவேற்றாா். நிறைவில், முகமத் நன்றி கூறினாா்.
