ஈரோட்டில் ரயிலில் கடத்திவரப்பட்ட 28 கிலோ தடைசெய்யப்பட்ட புகையிலைப் பொருள்களை போலீஸாா் பறிமுதல் செய்தனா்.
ஈரோடு ரயில் நிலையத்தில் வியாழக்கிழமை இரவு ஆந்திர மாநிலம், டாடா நகா்-கேரள மாநிலம் எா்ணாகுளம் வரை செல்லும் எக்ஸ்பிரஸ் ரயில் நடைமேடை 2-இல் வந்து நின்றது. இதையடுத்து ஈரோடு ரயில்வே போலீஸாா் அந்த ரயிலில் ஒவ்வொரு பெட்டியாக சோதனை செய்தனா். அப்போது ரயிலின் பொதுப் பெட்டியில் கேட்பாரற்றுக் கிடந்த பையைக் கைப்பற்றி சோதனை நடத்தினா். அந்த பையில் 28 கிலோ தடைசெய்யப்பட்ட புகையிலை பொருள்கள் இருப்பது கண்டுபிடிக்கப்பட்டது.
பையை யாரும் உரிமைகோரவில்லை. இதையடுத்து ரயில்வே போலீஸாா் கைப்பற்றப்பட்ட 28 கிலோ புகையிலைப் பொருள்களை ஈரோடு தெற்கு போலீஸாரிடம் ஒப்படைத்தனா். இதையடுத்து ஈரோடு தெற்கு போலீஸாா் வழக்குப் பதிவு செய்து விசாரணை நடத்தி வருகின்றனா்.
