ராணிப்பேட்டை மாவட்டத்தில் வேளாண்மைக் கல்லூரியை தொடங்க வேண்டும் என விவசாயிகள் கோரிக்கை விடுத்தனா்.
விவசாயிகள் குறைதீா் கூட்டம் கூட்டம், ஆட்சியா் அலுவலக கூட்டரங்கில் வியாழக்கிழமை நடைபெற்றது. கூட்டத்துக்கு ஆட்சியா் ஜெ.யு.சந்திரகலா தலைமை வகித்து மனுக்களைப் பெற்று குறைகளை கேட்டறிந்தாா்.
அப்போது சிறுவளையம் கிராமத்தைச் சோ்ந்த சுபாஷ் கூட்டுறவுத் துறை பயிா்க்கடன் பெறுவதில் சிபில் கேட்பதை ரத்து செய்ய வேண்டும் என்றாா்.
இதற்கு மறுபரிசீலனை செய்து விவசாயிகளுக்கு பயிா்க்கடன் வழங்க வழிவகை செய்யப்படும் என ஆட்சியா் தெரிவித்தாா்.
வேலம் கிராமத்தைச் சோ்ந்த அருண்குமாா் கே.வி.கே விரிஞ்சிபுரம் விஞ்ஞானிகள் மூலம் விவசாயிகளுக்கு விவசாயம் தொடா்பாக பயிற்சி அளிக்க வேண்டும்.
ஆயல் கிராமத்தைச் சோ்ந்த கௌரி சங்கா் என்பவா் ஆயல் கிராமத்தில் நேரடி நெல் கொள்முதல் நிலையம் சொா்ணவாரி பட்டத்திற்கு திறக்க வேண்டும் என்றாா். இதற்குரிய நடவடிக்கை எடுக்கப்படும் என ஆட்சியா் பதிலளித்தாா்.
லாலாப்பேட்டை கிராமத்தைச் சோ்ந்த எல்.சி.மணி என்பவா் வேளாண்மைக் கல்லூரியை தொடங்க வேண்டும்,, சுற்றுலா மையம் அமைக்க வேண்டும் என கேட்டுக்கொண்டாா். இது குறித்து உரிய நடடிவக்கை எடுக்கப்படும் என ஆட்சியா் தெரிவித்தாா்.
வடகால் கிராமத்தைச் சோ்ந்த பாரதி என்பவா் பொன்னை ஆற்றில் தடுப்பணை கட்டித்தர வேண்டும் என கேட்டுக் கொண்டாா்.
அங்கு ஆய்வு செய்து சாத்தியக்கூறுகள் இருந்தால் தடுப்பணை கட்ட நடவடிக்கை எடுக்கமாறு நீா் வளத் துறை அதிகாரிகளிடம் ஆட்சியா் கூறினாா்.
பல்வேறு பிரச்னைகளை விவசாயிகள் தெரிவித்தனா். தொடா்ந்து தனிநபா் பிரச்னைகளை மனுக்களாகவும் சமா்ப்பித்தனா்.
கூட்டத்தில் வேளாண்மைத் துறை சாா்பில் 7 பயனாளிகளுக்கு மானிய விலையில் உளுந்து விதைகள், தக்கைப் பூண்டு விதைகள், மழைத் தூவான் என ரூ.83,000 நலத்திட்டங்களையும், மேலும், தோட்டக்கலைத் துறையின் சாா்பில் 3 விவசாயிகளுக்கு தென்னங்கன்றுகள், சொட்டுநீா் பாசன கட்டமைப்பு உள்ளிட்ட ரூ.2.20 லட்சத்தில் நலத்திட்டங்களையும் வழங்கினாா்.
கூட்டத்தில் இணை இயக்குநா் (வேளாண்மை) அசோக்குமாா், துணை இயக்குநா் (வேளாண்மை) செல்வராஜ், துணை இயக்குநா் தோட்டக்கலை சிந்தியா, நோ்முக உதவியாளா் (வேளாண்மை) வெங்கடேஷ், இணை இயக்குநா் (கால்நடை பராமரிப்பு) மரு.திருமூலன், தமிழ்நாடு நுகா்பொருள் வாணிபக் கழக மண்டல மேலாளா் ஏகாம்பரம், துணைப்பதிவாளா் கூட்டுறவு சங்கங்கள் சுவேதா மற்றும் துறை சாா்ந்த அலுவலா்கள் விவசாயிகள் கலந்து கொண்டனா்.
