வணிகா்களுக்கான திட்டங்களை தமிழக அரசு செயல்படுத்தும் என வணிக வரி, பத்திரப் பதிவுத் துறை அமைச்சா் பி. மூா்த்தி தெரிவித்தாா்.
மதுரை தமுக்கம் மைதானத்தில் தமிழ்நாடு உணவுப் பொருள் வியாபாரிகள் சங்கத்தின் சாா்பில் புதன்கிழமை நடைபெற்ற பல்பொருள் விற்பனைக் கண்காட்சி நிறைவு விழாவில் அமைச்சா் பி. மூா்த்தி மேலும் பேசியதாவது:
இந்தக் கண்காட்சியில் இயற்கை சாா்ந்த பொருள்கள், உணவுகள் காட்சிப் படுத்தப்பட்டிருந்தன. இதுபோன்ற நிகழ்வுகள் ஆண்டுதோறும் நடத்தப்பட வேண்டும். வணிகா்களின் வாழ்க்கை தரம் உயா்ந்தால், அரசுக்கு வருவாய் கிடைக்கும்.
மதுரை நகரம் பழங்காலம் முதல் பல்வேறு சிறப்புகளைக் கொண்ட நகரம். இங்கு தான் தமிழ் மாதப் பெயா்களில் தெருக்கள் உள்ளன. இதுமட்டுமன்றி, குறிப்பிட்ட தொழில் செய்யும் இடங்களுக்கும் அந்த தொழில் சாா்ந்த பெயா் இன்றளவும் வழங்கப்பட்டு வருகிறது. இதுபோன்று, தற்போது வணிகா்கள் அனைவரும் இணைந்து, நகரத்தை ஒட்டி வியாபாரிகளுக்கென தனி நகரத்தை உருவாக்க முன் வர வேண்டும். தமிழக அரசின் சாா்பில் பொங்கல் பண்டிகையொட்டி, பல்வேறு நிகழ்ச்சிகள் நடத்த திட்டமிடப்பட்டிருக்கிறது. வணிகா்கள் பொருளாதாரத்தில் உயரும் வகையிலான திட்டங்களை தமிழக அரசு செயல்படுத்தும் என்றாா் அவா்.
இதில் கண்காட்சி தலைவா் ஏ.எஸ்.வி.ஏ. மாதவன், துணைத் தலைவா்கள் எஸ்.வி. சூரஜ் சுந்தர சங்கா், ஜி. திருமுருகன், எஸ். வினோத் கண்ணா, துணை ஒருங்கிணைப்பாளா்கள் எஸ்.வி.எஸ்.எஸ். வேல்சங்கா், ஜெயப்பிரகாசம், தமிழ்நாடு உணவுப் பொருள் வியாபாரிகள் சங்க கௌரவ செயலா் எஸ். சாய் சுப்ரமணியம், பொருளாளா் எம். காா்த்திகேயன், மதுரை தெற்கு தொகுதி சட்டப்பேரவை உறுப்பினா் எம். பூமிநாதன், நிா்வாகிகள், பொதுமக்கள் கலந்து கொண்டனா்.
