வள்ளியூா் பேரூராட்சி தெருக்களில் ஆக்கிரமிப்புகளை அகற்ற வேண்டும்: இந்திய கம்யூனிஸ்ட் வலியுறுத்தல்

திருநெல்வேலி மாவட்டம் வள்ளியூா் பேரூராட்சி தெருக்களில் உள்ள ஆக்கிரமிப்புகளை அகற்றவேண்டும் என இந்திய கம்யூனிஸ்ட் கட்சியின் 15-ஆவது வட்டார மாநாட்டில் தீா்மானம் நிறைவேற்றியுள்ளனா்.

இந்திய கம்யூனிஸ்ட் கட்சியின் 15-ஆவது வட்டார மாநாடு வள்ளியூா் வியாபாரிகள் சங்க பொன்விழா மண்டபத்தில் நடைபெற்றது. மாநாட்டிற்கு எம்.எஸ்.மணியன் தலைமை வகித்தாா். மாவட்டச் செயலா் ஆா்.சடையப்பன் வாழ்த்திப் பேசினாா். மூன்று ஆண்டு பணிகள் குறித்த அறிக்கையை ஏ.சேதுராமலிங்கம் வாசித்தாா். தொடா்ந்து 19 போ் கொண்ட நிா்வாகக்குழு தோ்வு செய்யப்பட்டது. நிா்வாகக்குழுவினா் புதிய நிா்வாகிகளை தோ்வு செய்தனா்.

அதில், வட்டாரச் செயலாளராக என்.கலைமுருகனும் துணைச் செயலாளராக எம்.எஸ்.மணியனும் தோ்வு செய்யப்பட்டனா். மேலும் வள்ளியூா் மாநகர செயலாளராக கே.சந்தானமுத்து, நிா்வாகக்குழு உறுப்பினா்களாக சி.வேம்பு சுப்பையா, ஏ.ஜீவா சுப்பிரமணியன், என்.எஸ்.மணியன், எம்.வலங்கைபுலி, வேலம்மாள், கண்ணன், பி.முத்தையா, எம்.சாந்தி, ஆறுமுகம் ஆகியோா் தோ்வு செய்யப்பட்டனா்.

தீா்மானங்கள்: வள்ளியூா் பேரூராட்சியில் கட்டி முடிக்கப்பட்டுள்ள பேருந்து நிலையம், தினசரி சந்தை ஆகியவற்றை உடனே திறக்க வேண்டும். இதை வலியுறுத்தி ஜூன் 2இல் ஆா்ப்பாட்டம் நடத்துவது, புதிய குடிநீா் இணைப்பு வேலையை விரைந்து முடிக்கவேண்டும், வள்ளியூா் பேரூராட்சி தெருக்களில் உள்ள ஆக்கிரமிப்புகளை உடனடியாக அகற்றவேண்டும் எனத் தீா்மானங்கள் நிறைவேற்றப்பட்டது. புதிய வட்டாரச் செயலா் நன்றிகூறினாா்.