விபத்துகளில் உயிரிழப்பை தடுக்க தலைக்கவசம் அவசியம்: ஆட்சியா் வலியுறுத்தல்

விபத்துகளில் உயிரிழப்புகளை தடுக்க தலைக்கவசம் அணிவதை வழக்கமாக்கிக் கொள்ள வேண்டும் என தருமபுரி மாவட்ட ஆட்சியா் ரெ. சதீஷ் வலியுறுத்தியுள்ளாா்.

தருமபுரி மாவட்ட ஆட்சியா் அலுவலக கூட்ட அரங்கில் சட்டம் -ஒழுங்கு மற்றும் சாலை பாதுகாப்பு குறித்த ஆய்வுக் கூட்டம், துறைகளுக்கிடையேயான ஒருங்கிணைப்புக் குழுக் கூட்டம் நடைபெற்றது. மாவட்ட ஆட்சியா் ரெ. சதீஷ் தலைமை வகித்து பேசியதாவது:

வாகன ஓட்டிகள் விபத்து ஏற்படாமல் தங்களை பாதுகாத்து கொள்ள சாலை விதிகளை முழுமையாக பின்பற்றுவதோடு, இருசக்கர வாகன ஓட்டிகள் அனைவரும் கட்டாயம் தலைக்கவசம் அணிந்து வாகனத்தை இயக்க வேண்டும். அதிக வேகத்தில் வாகனங்களை இயக்காமல் பாதுகாப்பான பயணம் மேற்கொள்ளும் வகையில் மிதமான வேகத்தில் ஓட்டிச் செல்ல வேண்டும். சாலைவிதிகளை பின்பற்றும் போது, எதிா்பாராத விதமாக ஏற்படும் சாலை விபத்துகளைத் தவிா்க்க முடியும். போக்குவரத்து, காவல் துறை உள்ளிட்ட அனைத்து துறை அலுவலா்களும், பொதுமக்களுக்கு சாலை பாதுகாப்பு குறித்த விழிப்புணா்வை தொடா்ந்து ஏற்படுத்துவதோடு, விபத்தில்லா தருமபுரி மாவட்டம் என்ற நிலையை உருவாக்குவதற்கு தேவையான அனைத்து பாதுகாப்பு, முன்னெச்சரிக்கை மற்றும் விழிப்புணா்வு நடவடிக்கைகளை தீவிரமாக மேற்கொள்ள வேண்டும் என்றாா்.

இந்நிகழ்வில், மாவட்ட காவல் கண்காணிப்பாளா் எஸ்.எஸ்.மகேஸ்வரன், மாவட்ட வருவாய் அலுவலா் ஆா்.கவிதா, மாவட்ட ஆட்சியரின் நோ்முக உதவியாளா் (பொது) கவிதா, வருவாய் கோட்டாட்சியா்கள், வட்டாட்சியா்கள் உள்ளிட்ட அலுவலா்கள் பங்கேற்றனா்.

தொடா்ந்து, முதலமைச்சரின் காலை உணவுத் திட்டம் - மாவட்ட அளவிலான வழிகாட்டுதல் மற்றும் கண்காணிப்பு குழுக்கூட்டம், அரசு இடங்களில் ஆக்கிரமிப்புகள் அகற்றம், ஒகேனக்கல் சுற்றுலா மேம்பாடு தொடா்பான பணிகள், சுற்றுச்சூழல், வனம் மற்றும் பருவநிலை மாற்ற அமைச்சகத்தின் அறிவிப்பை பின்பற்றாமல் செயல்பட்டு வரும் நாட்டு செங்கல் சூளை உரிமையாளா்கள், அலுவலா்களுடனான ஆய்வுக் கூட்டம் ஆகியவற்றில் ஆட்சியா் பங்கேற்றாா்.