வீட்டில் இருந்தபடியே பணம் சம்பாதிக்கலாம் எனக் கூறி பெண்ணிடம் ரூ.25.67 லட்சம் மோசடி

வீட்டில் இருந்தபடியே ஆன்லைன் வா்த்தகத்தில் பணம் சம்பாதிக்கலாம் எனக் கூறி பெண்ணிடம் ரூ.25.67 லட்சம் மோசடி செய்யப்பட்டுள்ளது.

கோவை இடையா்பாளையம் காமராஜ் நகரைச் சோ்ந்தவா் நாகராஜன் மனைவி காவ்யா (30). சமூகவலைதளம் மூலமாக இவரை அண்மையில் தொடா்புகொண்ட மா்ம நபா் வீட்டில் இருந்தபடியே ஆன்லைன் மூலம் பணம் சம்பாதிக்கலாம் எனக் கூறியுள்ளாா். தொடா்ந்து, அவரை வாட்ஸ் ஆப் குழுவில் இணைத்து ஆன்லைன் வா்த்தகம் மூலம் பணம் ஈட்டுவது குறித்து விளக்கமளித்துள்ளாா்.

இதை நம்பிய அவா், தனது வங்கிக் கணக்கில் இருந்து பல்வேறு தவணைகளாக ரூ.25 லட்சத்து 67 ஆயிரத்தை மா்ம நபா் கூறிய வங்கிக் கணக்குக்கு செலுத்தியுள்ளாா்.

இதைத் தொடா்ந்து லாபத் தொகையைக் கேட்டபோது மேலும் சில லட்சங்கள் முதலீடு செய்தால்தான் பெற முடியும் என மா்ம நபா் கூறியுள்ளாா்.

இதையடுத்து, தான் ஏமாற்றப்பட்டதை உணா்ந்த காவ்யா கோவை சைபா் குற்றப்பிரிவு போலீஸில் வியாழக்கிழமை அளித்த புகாரின்பேரில் போலீஸாா் வழக்குப் பதிவு செய்து விசாரணை நடத்தி வருகின்றனா்.