வீர தீர சூரன் படத்தின் வசூல் குறித்து தகவல் வெளியாகியுள்ளது.
விக்ரம் - அருண் குமார் கூட்டணியில் உருவான வீர தீர சூரன் திரைப்படம் வியாழக்கிழமை மாலைக் காட்சியாகத் தாமதமாக வெளியானது. படத்தின் தயாரிப்பு நிறுவனமான ஹெச்ஆர் பிக்சர்ஸ் பி4யூ (B4U) என்ற நிறுவனத்திடம் ஓடிடி உரிமத்தைக் கொடுத்துள்ளனர்.
ஆனால், ஓடிடி தேதியை உறுதிசெய்யாமல் இருந்ததால் பி4யூ நிறுவனம் வீர தீர சூரன் படத்தின் வெளியீட்டை நிறுத்த மும்பை உயர்நீதிமன்றத்தில் வழக்கு தொடர்ந்திருந்தனர். வழக்கு விசாரிப்பில் சில நிபந்தனைக்குப் பின் படம் வெளியானது.
இதையும் படிக்க: இயக்குநர் அவதாரம் எடுக்கும் நடிகர் மணிகண்டன்!
திட்டமிட்ட நாளில் தாமதமாத் திரைக்கு வந்தாலும் முழுநீள ஆக்ஷன் திரைப்படமான வீர தீர சூரன் ரசிகர்களிடம் வரவேற்பைப் பெற்றுள்ளது.
இதனால், இப்படத்திற்குக் கூடுதல் திரைகள் ஒதுக்கப்பட்டு வருகின்றன. இந்த நிலையில், வியாழக்கிழமை மாலையிலிருந்து வெள்ளிக்கிழமை வரை இப்படம் இந்தியளவில் ரூ. 8.5 கோடி வசூலித்துள்ளதாகத் தகவல்கள் தெரிவிக்கின்றன.
ரூ. 40 கோடி பட்ஜெட்டில் உருவான இப்படம் பாக்ஸ் ஆபிஸ் வெற்றியைப் பெறும் என்றே தெரிகிறது.
