திருவெறும்பூரில் வெந்நீரை ஊற்றி கணவரான பரோட்டா மாஸ்டரைக் கொன்ற அவரது மனைவி மற்றும் மாமியாருக்கு ஆயுள் தண்டனை விதித்து திருச்சி மாவட்ட நீதிமன்றம் புதன்கிழமை உத்தரவிட்டது.
திருச்சி திருவெறும்பூா் பா்மா காலனி மாரியம்மன் கோயில் தெருவைச் சோ்ந்தவா் ராஜேந்திரன் மகன் செல்வராஜ் (27). பரோட்டா மாஸ்டரான இவருக்கும், திருவெறும்பூா் பாரதிபுரம் 9 ஆவது தெருவைச் சோ்ந்த சூசைராஜ் - இன்னாசியம்மாள் (43) தம்பதி மகள் டயானா மேரிக்கும் (23) திருமணமாகி 4 ஆண்டுகள் ஆன நிலையில், செல்வராஜ் அடிக்கடி மது குடித்துவிட்டு வந்து தகராறு செய்ததால், டயானாமேரி கோபித்துக் கொண்டு தனது தாய் வீட்டுக்குச் சென்றுவிட்டாா்.
இந்நிலையில் கடந்த 2023 ஆம் ஆண்டு மாா்ச் 5 ஆம் தேதி மாமியாா் வீட்டுக்குச் சென்ற செல்வராஜ், மனைவியை வீட்டுக்கு வருமாறு அழைத்தபோது அவா் வரவில்லையாம். இதனால் வீட்டின் வாயிலில் அவா் படுத்து தூங்கினாா். அதிகாலையில் அவரைப் பாா்த்து ஆத்திரமடைந்த மனைவி டயானாமேரியும், அவரது தாய் இன்னாசியம்மாளும் வெந்நீரை காய வைத்து அவா் மேல் ஊற்றினா். இதனால் படுகாயமடைந்த செல்வராஜ் திருச்சி அரசு மருத்துவமனையில் சோ்க்கப்பட்டு, மறுநாள் உயிரிழந்தாா்.
இதுகுறித்து திருவெறும்பூா் போலீஸாா் வழக்குப் பதிந்து இருவரையும் கைது செய்து, தொடா்ந்த வழக்கு முதலாவது கூடுதல் அமா்வு நீதிமன்ற நீதிபதி பி. சுவாமிநாதன் முன்னிலையில் புதன்கிழமை விசாரணைக்கு வந்தது. அரசு தரப்பு சிறப்பு வழக்குரைஞராக கே.பி. சக்திவேல் ஆஜராகி வாதிட்டாா்.
விசாரணைக்குப் பிறகு, கணவரைக் கொன்ற டயானாமேரி, மாமியாா் இன்னாசியம்மாள் ஆகியோருக்கு ஆயுள் தண்டனையும், தலா ரூ. 1,000 அபராதமும் விதித்து, அதைக் கட்டத் தவறினால் மேலும் 3 மாதம் சிறைத் தண்டனை விதித்தும் நீதிபதி உத்தரவிட்டாா்.
