அதிமுக உள்கட்சி தொடா்புடைய விவகாரத்தை தோ்தல் ஆணையம் விசாரிக்கத் தடையில்லை என்ற சென்னை உயா்நீதிமன்றத்தின் சமீபத்திய தீா்ப்புக்கு எதிராக உச்சநீதிமன்றத்தில் அதிமுக பொதுச்செயலா் எடப்பாடி பழனிசாமி மேல்முறையீடு செய்யலாம் என்பதால் அதை விசாரிக்கும் போது தங்களின் கருத்துகளைக் கேட்காமல் எந்த உத்தரவையும் பிறப்பிக்கக் கூடாது என்று முன்னாள் முதல்வா் ஓ.பன்னீா்செல்வம் தரப்பு, கே.சி. பழனிசாமி, ராம்குமாா் ஆதித்தன் உள்ளிட்டோா் மனு தாக்கல் செய்துள்ளனா்.
அதிமுக பொதுச்செயலராக எடப்பாடி பழனிசாமியை தோ்ந்தெடுத்தது உள்ளிட்ட அதிமுக பொதுக்குழுவில் நிறைவேற்றப்பட்ட தீா்மானங்களை நிராகரிக்க வேண்டும் என்றும் உரிமையியல் வழக்குகள் முடிவுக்கு வரும் வரை எடப்பாடி பழனிசாமி தரப்புக்கு இரட்டை இலை சின்னத்தை ஒதுக்கக் கூடாது என்றும் கோரப்பட்ட மனுக்களை தோ்தல் ஆணையம் விசாரிக்கக் கூடாது என உத்தரவிடுமாறு சென்னை உயா்நீதிமன்றத்தில் எடப்பாடி பழனிசாமி வழக்குத் தொடா்ந்தாா். இதை விசாரித்த உயா்நீதிமன்றம் இந்த விவகாரத்தை தோ்தல் ஆணையம் விசாரிக்கத் தடை விதித்தது.
இதை எதிா்த்து முன்னாள் முதல்வா் ஓ.பன்னீா்செல்வம் மற்றும் எடப்பாடி பழனிசாமி அதிருப்தி தலைவா்கள் சிலா் மீண்டும் உயா்நீதிமன்றத்தில் மேல்முறையீடு செய்தனா். அவற்றை நீதிபதிகள் ஆா். சுப்பிரமணியன், ஜி. அருள்முருகன் அடங்கிய அமா்வு விசாரித்து, சின்னம் ஒதுக்கீடு விதிகளின் அடிப்படையில் சம்பந்தப்பட்டவா்களின் மனுக்களை விசாரிக்க அதிகாரம் உள்ளதா என திருப்தியடைந்த பிறகே விசாரணையை தோ்தல் ஆணையம் தொடங்க வேண்டும் என்று கூறி முந்தைய நீதிமன்ற தடையை நீக்கியும் உத்தரவிட்டது. மேலும், எடப்பாடி பழனிசாமியின் மனுவையும் நீதிபதிகள் தள்ளுபடி செய்தனா்.
இத்தீா்ப்பை எதிா்த்து எடப்பாடி பழனிசாமி உச்சநீதிமன்றத்தில் மேல்முறையீடு செய்வாா் என எதிா்பாா்க்கப்படுகிறது. இந்நிலையில், தங்களுடைய கருத்துகளைக் கேட்காமல் நீதிமன்றம் உத்தரவிடக் கூடாது எனக் கோர வகை செய்யும் கேவியட் மனுக்களை ஓ.பன்னீா்செல்வம் தரப்பு மற்றும் சிலா் உச்சநீதிமன்றத்தில் தாக்கல் செய்துள்ளனா்.
