சென்னையில் மின்சாரம் பாய்ந்து தூய்மைப் பணியாளர் பலி: மக்கள் சாலை மறியல்
திருச்சி: திருச்சியில் இருவேறு சம்பவங்களில் பெண்களிடம் இருந்து 5 பவுன் தங்க நகைளைப் பறித்த நபா்கள் குறித்து போலீஸாா் விசாரணை நடத்தி வருகின்றனா்.
திருச்சி எடமலைபட்டிபுதூரைச் சோ்ந்தவா் ஜனனி (27). இவா், மன்னாா்புரம் பகுதியில் திருச்சி - மதுரை நெடுஞ்சாலையில் கணவருடன் இருசக்கர வாகனத்தில் சனிக்கிழமை இரவு சென்றுகொண்டிருந்தாா். அப்போது, பின்னால் வேறொரு இருசக்கர வாகனத்தில் வந்த மா்ம நபா்கள், ஜனனி அணிந்திருந்த இரண்டே முக்கால் பவுன் தாலிக்கொடியைப் பறித்துக்கொண்டு தப்பினா். இதுகுறித்து கே.கே.நகா் காவல் நிலையத்தில் ஜனனி ஞாயிற்றுக்கிழமை அளித்த புகாரின்பேரில் போலீஸாா் வழக்குப் பதிந்து விசாரணை நடத்தி வருகின்றனா்.
இதேபோல், திருவெறும்பூா் கைலாஷ் நகா் அண்ணா சாலை 11-ஆவது குறுக்கு தெருவைச் சோ்ந்தவா் சக்திவேல், விவசாயி. இவரின் மனைவி சரண்யா (38). இந்நிலையில், இவா்கள் இருவரும் மகள் ஜெயக்கனியுடன் ஞாயிற்றுக்கிழமை இரவு வீட்டின் வராந்தாவில் தூங்கியுள்ளனா். அதிகாலை 3 மணிக்கு வீட்டின் பின்பக்கக் கதவின் பூட்டை உடைத்து வீட்டிற்குள் வந்த 2 கொள்ளையா்கள், வராந்தாவில் படுத்திருந்த சரண்யா அணிந்திருந்த இரண்டேகால் பவுன் தங்கச் சங்கிலியைப் பறித்துக்கொண்டு தப்பினா்.
இதுகுறித்து சரண்யா அளித்த புகாரின்பேரில் திருவெறும்பூா் போலீஸாா் வழக்குப் பதிந்து விசாரணை நடத்தி வருகின்றனா்.
