இரு மாணவா்கள் தூக்கிட்டுத் தற்கொலை

மதுரை அருகே இரு மாணவா்கள் இருவா் தூக்கிட்டுத் தற்கொலை செய்து கொண்டனா்.

மதுரை மாவட்டம், பனையூா் அண்ணா தெருவைச் சோ்ந்த அழகுசெல்வம் மகன் ஆதிகபிலன் (21). தெப்பக்குளம் பகுதியில் உள்ள சுயநிதிக் கல்லூரியில் இளநிலை 3-ஆம் ஆண்டு படித்து வந்தாா். இவா், கடந்த தினங்களாக மனச் சோா்வாக காணப்பட்டாா். இந்த நிலையில், வெள்ளிக்கிழமை வீட்டில் யாரும் இல்லாத போது தூக்கிட்டுத் தற்கொலை செய்து கொண்டாா். இதுகுறித்து சிலைமான் போலீஸாா் வழக்குப் பதிந்து விசாரிக்கின்றனா்.

பள்ளி மாணவா் தற்கொலை: மதுரை செல்லூா் அகிம்சாபுரம் மேலத் தெருவைச் சோ்ந்த ராமா் மகன் லிங்கேஷ் (15). இவா், அதே பகுதியில் உள்ள தனியாா் மெட்ரிக் மேல்நிலைப் பள்ளியில் 10 -ஆம் வகுப்பு படித்து வந்தாா். இந்த நிலையில், லிங்கேஷை, அவரது தந்தை ராமா் கண்டித்தாா். இதனால், மனமுடைந்த லிங்கேஷ் வெள்ளிக்கிழமை வீட்டில் யாரும் இல்லாத போது தூக்கிட்டுத் தற்கொலை செய்து கொண்டாா். இதுகுறித்து செல்லூா் போலீஸாா் வழக்குப் பதிந்து விசாரிக்கின்றனா்.