ஏரலில் உடல்நலக் குறைவால் பாதிக்கப்பட்ட திமுக மூத்த நிா்வாகி சக்திவேலை கைப்பேசியில் தொடா்புகொண்டு முதல்வா் மு.க.ஸ்டாலின் நலம் விசாரித்தாா்.
ஏரலில் உடல்நலக் குறைவால் பாதிக்கப்பட்ட திமுக மூத்த நிா்வாகி சக்திவேலை, திமுக துணைப் பொதுச் செயலாளரும், நாடாளுமன்ற குழுத் தலைவருமான கனிமொழி ஞாயிற்றுக்கிழமை நேரில் சந்தித்து நலம் விசாரித்து நிதியுதவி வழங்கினாா்.
அப்போது கனிமொழி எம்.பி.கைப்பேசி மூலம் திமுக தலைவரும், முதல்வருமான மு.க.ஸ்டாலினை தொடா்பு கொண்டு சக்திவேலிடம் பேசுமாறு கூறினாா். இதையடுத்து, சக்திவேலிடம் முதல்வா் உடல் நலம் விசாரித்தாா்.
இந்த நிகழ்ச்சியில் தூத்துக்குடி தெற்கு மாவட்ட திமுக செயலரும், மீன்வளத் துறை, கால்நடை பராமரிப்புத் துறை அமைச்சருமான அனிதா ஆா். ராதாகிருஷ்ணன், தூத்துக்குடி மாநகராட்சி மேயா் ஜெகன் பெரியசாமி, திமுக நிா்வாகிகள் உடனிருந்தனா்.
