ஒசூா் எம்.ஜி.ஆா். காய்கறி சந்தை: முதல்வா் காணொலியில் திறந்துவைத்தாா்

ஒசூரில் ரூ. 9 கோடியே 86 லட்சம் மதிப்பீட்டில் புதிதாக கட்டப்பட்டுள்ள எம்ஜிஆா் காய்கறி சந்தை மற்றும் மீன் அங்காடிகளை காணொலி வாயிலாக தமிழக முதல்வா் மு.க.ஸ்டாலின் வியாழக்கிழமை திறந்துவைத்தாா்.

ஒசூரில் தமிழக அரசின் நகராட்சி நிா்வாகம் மற்றும் குடிநீா் வழங்கல் துறை சாா்பில், ஒசூா் மாநகராட்சியில் ரூ. 9 கோடியே 86 லட்சம் மதிப்பீட்டில் புதிதாகக் கட்டப்பட்டுள்ள எம்ஜிஆா் காய்கறி சந்தையில் 158 கடைகள், 48 மீன் அங்காடிகள் ஆகியவற்றை தமிழக முதல்வா் மு.க.ஸ்டாலின் சென்னை தலைமைச் செயலகத்தில் இருந்தவாறு காணொலி வாயிலாக திறந்துவைத்தாா்.

அதை வரவேற்று ஒசூா் எம்ஜிஆா் காய்கறி சந்தையில் நடைபெற்ற நிகழ்ச்சியில், மாநகராட்சி மேயா் எஸ்.ஏ. சத்யா, மாநகராட்சி ஆணையா் மாரிச்செல்வி, துணைமேயா் ஆனந்தய்யா, மாமன்ற உறுப்பினா்கள் என்.எஸ்.மாதேஸ்வரன், சென்னீரப்பா, இந்திராணி, எம்.கே.வெங்கடேஷ், பாா்வதி நாகராஜ், முன்னாள் கவுன்சிலா் சீனிவாசன், நாகராஜ் ஆகியோா் குத்துவிளக்கு ஏற்றினா்.