கா்நாடகத்தில் காலியாக இருக்கும் 3 சட்டப் பேரவைத் தொகுதிகளுக்கான இடைத் தோ்தல் புதன்கிழமை நடக்கவிருக்கிறது.
2023ஆம் ஆண்டு நடந்த சட்டப் பேரவைத் தோ்தலில் ராமநகரம் மாவட்டத்தின் சென்னப்பட்டணா தொகுதியில் மஜத சாா்பில் முன்னாள் முதல்வா் எச்.டி.குமாரசாமி, ஹாவேரி மாவட்டத்தின் ஷிக்காவன் தொகுதியில் பாஜக வேட்பாளராக முன்னாள் முதல்வா் பசவராஜ் பொம்மை, பெல்லாரி மாவட்டத்தின் சண்டூா் தொகுதியில் காங்கிரஸ் வேட்பாளராக இ.துக்காராம் ஆகியோா் வெற்றி பெற்றிருந்தனா்.
நிகழாண்டு மே மாதத்தில் நடந்த மக்களவைத் தோ்தலில் போட்டியிட்ட எச்.டி.குமாரசாமி, பசவராஜ் பொம்மை, இ.துக்காராம் ஆகிய மூவரும் வெற்றி பெற்றதையடுத்து அவா்கள் தங்களது சட்டப் பேரவை உறுப்பினா் பதவியை ராஜிநாமா செய்தனா்.
இதையடுத்து 3 பேரவைத் தொகுதிகளுக்கும் புதன்கிழமை (நவ.13) இடைத் தோ்தல் நடக்கவிருக்கிறது. சென்னப்பட்டணா தொகுதியில் மத்திய அமைச்சரும், முன்னாள் முதல்வருமான எச்.டி.குமாரசாமியின் மகன் நிகில் குமாரசாமி மஜத வேட்பாளராக போட்டியிடுகிறாா். அவரை எதிா்த்து, பாஜகவில் இருந்து விலகி காங்கிரஸ் கட்சியில் இணைந்துள்ள சி.பி.யோகேஸ்வா் களமிறங்கியிருக்கிறாா். இருவருக்கும் இடையே கடுமையான போட்டி காணப்படுகிறது.
அதேபோல ஷிக்காவன் தொகுதியில் முன்னாள் முதல்வா் பசவராஜ் பொம்மையின் மகன் பரத் பொம்மை பாஜக வேட்பாளராகவும், யாசீா் அகமதுகான் பத்தான் காங்கிரஸ் வேட்பாளராகவும்; சண்டூா் தொகுதியில் இ.துக்காராமின் மனைவி இ.அன்னபூா்ணா காங்கிரஸ் வேட்பாளராகவும், பங்காரு ஹனுமந்து பாஜக வேட்பாளராகவும் களமிறங்கியுள்ளனா்.
3 தொகுதிகளில் பாஜகவும் மஜதவும் கூட்டணி அமைத்து போட்டியிடுகின்றன. இதனால் 3 தொகுதிகளிலும் காங்கிரஸ், தேசிய ஜனநாயக கூட்டணி வேட்பாளா்களிடையே கடுமையான போட்டி காணப்படுகிறது. காங்கிரஸ் வேட்பாளா்களை ஆதரித்து முதல்வா் சித்தராமையா, துணை முதல்வா் டி.கே.சிவகுமாா், அமைச்சா்கள் தீவிர பிரசாரத்தில் ஈடுபட்டனா்.
அதேபோல சென்னப்பட்டணா தொகுதியில் முன்னாள் பிரதமா் எச்.டி.தேவெ கௌடா, மத்திய தொழில் துறை அமைச்சா் எச்.டி.குமாரசாமி, சண்டூா், ஷிக்காவன் தொகுதிகளில் முன்னாள் முதல்வா்கள் எடியூரப்பா, ஜெகதீஷ் ஷெட்டா், சதானந்த கௌடா, பசவராஜ் பொம்மை உள்ளிட்டோா் தேசிய ஜனநாயக கூட்டணி வேட்பாளா்களுக்காக வாக்கு சேகரித்தனா்.
சென்னப்பட்டணா தொகுதியில் மஜத, காங்கிரஸ் வேட்பாளா்கள் உள்பட 31 போ், ஷிக்கான் தொகுதியில் பாஜக, காங்கிரஸ் வேட்பாளா்கள் உள்பட 8 போ், சண்டூா் தொகுதியில் காங்கிரஸ், பாஜக வேட்பாளா்கள் உள்பட 6 போ் களத்தில் உள்ளனா்.
சென்னப்பட்டணா தொகுதியில் 2,32,996 வாக்காளா்கள், ஷிக்காவன் தொகுதியில் 2,37,669 வாக்காளா்கள், சண்டூா் தொகுதியில் 2,36,405 வாக்காளா்கள் உள்ளனா். புதன்கிழமை காலை 7 மணி முதல் மாலை 6 மணி வாக்குப்பதிவு நடக்கவிருக்கிறது. இடைத் தோ்தலில் பதிவாகும் வாக்குகள் நவ. 23ஆம் தேதி காலை 8 மணி முதல் எண்ணப்பட்டு முடிவுகள் அறிவிக்கப்படவிருக்கின்றன.
