கிருஷ்ணகிரியில் குடியிருப்புகளில் மழைநீா் வெளியேற்றும் பணி: நகா்மன்ற தலைவா் ஆய்வு

கன மழையால் கிருஷ்ணகிரியில் குடியிருப்பு பகுதிகளில் புகுந்த மழைநீரை அகற்றும் பணியை நகா்மன்றத் தலைவா் ஆய்வு செய்தாா்.

கிருஷ்ணகிரியில் கடந்த 3 நாள்களாக கன மழை பெய்தது. இதனால், தாழ்வான பகுதிகளில் உள்ள குடியிருப்புகளில் மழைநீா் புகுந்தது. அவற்றை அகற்றும் பணியில் நகராட்சிப் பணியாளா்கள் தொடா்ந்து ஈடுபட்டுள்ளனா்.

அதன்படிகிருஷ்ணகிரி நகராட்சிக்கு உள்பட்ட பழையபேட்டை, நேதாஜி சாலை, பழைய பேருந்து நிலையம், வட்டச் சாலை உள்ளிட்ட பகுதிகளில் நகா்மன்றத் தலைவா் பரிதா நவாப், நகராட்சி ஆணையா் கிருஷ்ணமூா்த்தி, கிருஷ்ணகிரி திமுக நகரச் செயலாளா் எஸ்.கே.நவாப் உள்ளிட்டோா் ஆய்வு செய்தனா்.

அதைத் தொடா்ந்து சாலைகளில் தேங்கிய நீா், புதைகுழி சாக்கடை அடைப்புகளை இயந்திரம், நீா் உறிஞ்சும் வாகனம் மூலம் அகற்றினா். கணபதி நகரில் குடியிருப்புகளில் புகுந்த மழை நீா் அகற்றும் பணி செவ்வாய்க்கிழமையும் தொடா்ந்தது.

இந்தப் பணியை நகா்மன்றத் தலைவா் பரிதா ஆய்வு செய்தாா். அப்போது, மழைக் காலங்களில் குடியிருப்புகளில் மழை நீா் புகுந்து விடுவதால், பெரும் சிரமத்துக்கு உள்ளாவதாக பொதுமக்கள், நகா்மன்றத் தலைவரிடம் முறையிட்டனா். இந்த பிரச்னைக்கு நிரந்தர தீா்வு காணும் வகையில் புதைகுழி சாக்கடை திட்டம் நிறைவேற்ற விரைந்து நடவடிக்கை எடுக்கப்படும் என அவா் பொதுமக்களுக்கு உறுதியளித்தாா்.

ஆய்வின்போது நகராட்சி துப்புரவு அலுவலா் ராமகிருஷ்ணன், நகா்மன்ற உறுப்பினா்கள் உடனிருந்தனா்.