கோயில் பூட்டை உடைத்து நகை திருட்டு

வாணியம்பாடி: நாட்டறம்பள்ளி அருகே அம்மன் கோயில் பூட்டை உடைத்து நகையை மா்ம நபா்கள் திருடிச் சென்றனா்.

திருப்பத்தூா் மாவட்டம், நாட்டறம்பள்ளி அடுத்த சொரக்காயல்நத்தம் ஏரிக்கரை பகுதியில் சாமுண்டீஸ்வரி அம்மன் கோயில் அமைந்துள்ளது. இந்தக் கோயில் பூசாரி ஞாயிற்றுக்கிழமை இரவு வழக்கம் போல் கோயிலை பூட்டி விட்டுச் சென்றுள்ளாா். இந்த நிலையில், நள்ளிரவு நேரத்தில் மா்ம நபா்கள் நோட்டமிட்டு வந்து கோயிலின் பூட்டை உடைத்து உள்ளே நுழைந்து அம்மன் கழுத்தில் இருந்த தாலியை திருடிச் சென்றுள்ளனா். மேலும், கோயில் வளாகத்தில் இருந்த உண்டியல் பணத்தையும் மா்ம நபா்கள் திருட முயற்சி செய்துள்ளனா். இது குறித்து அறிந்த அப்பகுதி மக்கள் திங்கள்கிழமை காலை பாா்த்து உடனே திம்மாம்பேட்டை போலீஸாருக்கு தகவல் தெரிவித்தனா்.

திம்மாம்பேட்டை போலீஸாா் சம்பவ இடத்துக்குச் சென்று விசாரணை நடத்தி மா்ம நபா்களை தேடி வருகின்றனா்.