திருமலாபுரத்தில் மூவாயிரம் ஆண்டுகளுக்கு முற்பட்ட ஈட்டி கண்டெடுப்பு
அவிநாசி பழங்கரை ஐ.கே.எஃப். வளாகத்தில் 3 நாள்கள் நடைபெற்ற 52-ஆவது சா்வதேச பின்னலாடைக் கண்காட்சியில் ரூ.250 கோடிக்கு உடனடி ஆா்டா்கள் கிடைத்துள்ளதாக தலைவா் ஆ.சக்திவேல் தெரிவித்தாா்.
சா்வதேச நிட்ஃபோ் அசோசியேஷன், ஆயத்த ஆடை ஏற்றுமதி மேம்பாட்டு கவுன்சில், திருப்பூா் ஏற்றுமதியாளா்கள் சங்கம் ஆகியன சாா்பில் செப்டம்பா் 17ஆம் தேதி தொடங்கிய கண்காட்சி வெள்ளிக்கிழமை (செப். 19) நிறைவுற்றது.
இக்கண்காட்சியில் திருப்பூா், கோவை, சென்னை, ஈரோடு, சேலம், கரூா், கொல்கத்தா, பெங்களூரு உள்ளிட்ட பகுதிகளில் இருந்து பின்னலாடை உற்பத்தியாளா்கள் 60 அரங்குகளை அமைத்திருந்தனா்.
குறிப்பாக, செயற்கை நூலிழை ஆடைகள், கழிவு ஆடைகளை மறுசுழற்சி செய்து தயாரிக்கப்பட்ட ஆடைகள், பசுமை ஆடைகள், மதிப்பு கூட்டப்பட்ட பொருள்கள், குழந்தைகள், சிறுவா்கள், பெண்கள், ஆண்கள் என அனைத்து பிரிவினருக்குமான ஆடைகள், தீத்தடுப்பு ஆடைகள், பாதுகாப்பு உடைகள், இயற்கை சாயமேற்றப்பட்ட துணிகள், சுற்றுச்சூழலுக்கு பாதிப்பு இல்லாத ஆடைத் துறைக்கு தேவையான கண்டுபிடிப்புகள் இடம் பெற்றன.
இது குறித்து ஐ.கே.எஃப். தலைவா் ஆ.சக்திவேல் கூறியதாவது: இந்தக் கண்காட்சியை 160 முன்னணி வா்த்தகா்கள், 250-க்கும் மேற்பட்ட வா்த்தகப் பிரதிநிதிகள் பாா்வையிட்டனா். மேலும் பிரிட்டன், நாா்வே, கொலம்பியா, இலங்கை, ஹாங்காங், அமெரிக்கா, கனடா, பிரான்ஸ் போன்ற நாடுகளில் இருந்து வா்த்தகா்கள் வந்து பாா்வையிட்டனா். இந்தக் கண்காட்சியில் ரூ.250 கோடிக்கு உடனடி ஆா்டா்கள் கிடைத்துள்ளன. ரூ.750 கோடிக்கு நீண்ட கால வா்த்தக விசாரணை நடைபெற்றது என்றாா்.
