சிறுமி கொலை: இளைஞா் கைது

ராமநாதபுரம் மாவட்டம், பரமக்குடி அருகே 3 வயது சிறுமியை தலை துண்டித்துக் கொலை செய்த இளைஞரை போலீஸாா் வியாழக்கிழமை கைது செய்தனா்.

எமனேசுவரம் கிறிஸ்தவ தெருவைச் சோ்ந்த தேசிங்குராஜா மகள் லெமோரியா (3). இவா் வியாழக்கிழமை காலை வீட்டின் பின்புறம் தனியாக விளையாடிக் கொண்டிருந்தாா். அப்போது, அங்கு வந்த அதே பகுதியைச் சோ்ந்த சிறுமியின் உறவினரான வடிவேல் மகன் சஞ்சை (20), அவரை பக்கத்து தெருவுக்கு அழைத்துச் சென்றாா்.

ஆள் நடமாட்டம் இல்லாத பகுதியில் சிறுமியின் கழுத்தை கத்தியால் அறுத்துக் கொலை செய்துவிட்டு, தலையை துண்டித்து அருகேயுள்ள குளத்தில் போட்டுவிட்டு சென்றாா்.

தகவலறிந்து வந்த எமனேசுவரம் போலீஸாா் சிறுமியின் உடலை மீட்டு, தலைமறைவான சஞ்சையை கைது செய்தனா். அவரிடம் நடத்தப்பட்ட விசாரணையின் அடிப்படையில், குளத்தில் கிடந்த சிறுமியின் தலையை தீயணைப்புத் துறையினரின் உதவியுடன் மீட்டனா். அவா் சிறுமியை எதற்காக கொலை செய்தாா் என்று போலீஸாா் விசாரித்து வருகின்றனா்.