சுற்றுச்சூழல் போட்டி பரிசளிப்பு

வள்ளிபுரம் அரசு உயா்நிலைப் பள்ளியில் சுற்றுச்சூழல் குறித்த போட்டிகள் மற்றும் பரிசளிப்பு விழா நடைபெற்றது.

இப்பள்ளியின் 100% தோ்ச்சி மற்றும் மாணவா்களின் மனநிலையை ஊக்குவிக்கும் நோக்கில், கல்வி கற்கும் சூழலை மகிழ்ச்சியாக மற்றும் வகையில், ‘மகிழ்ச்சி பள்ளி’ (ஹாப்பி ஸ்கூல்ஸ்) நிகழ்ச்சி மாவட்ட நிா்வாகம், பள்ளிக் கல்வித் துறை, தமிழ்நாடு மாசுக் கட்டுப்பாடு வாரியம், தமிழ்நாடு ஒருங்கிணைந்த கழிவு மேலாண்மை கூட்டமைப்பு மற்றும் இதர தொண்டு நிறுவனங்களுடன் இணைந்து 8 பள்ளிகளில் நடத்துவதற்கான ஏற்பாடு செய்யப்பட்டுள்ளது.

முதல் கட்டமாக தமிழ்நாடு மாசு கட்டுப்பாடு வாரியம் சாா்பில் சுற்றுச்சூழல் விழிப்புணா்வு ஓவியப் போட்டி, கட்டுரைப் போட்டி, பேச்சுப் போட்டி மற்றும் பயன்பாடற்ற பொருள்களில் இருந்து பயன்படுத்தும் பொருளாக மாற்றுதல் (வேஸ்ட் டூ வெல்த்) நிகழ்ச்சி ஆகியவை நடைபெற்றன.

செங்கல்பட்டு சாா் ஆட்சியா் மாலதி ஹெலன் போட்டியைத் தொடங்கி வைத்துப் பேசினாா். மாணவா்கள் போட்டிகளில் கலந்து கொண்டனா். வெற்றி பெறும் மாணவா்களுக்கு ஜி ஜே மல்டிகிளேவ் சென்னை சாா்பில் பரிசு கோப்பை மற்றும் பாராட்டு சான்றுகள் வழங்கப்பட உள்ளது.

முதன்மைக் கல்வி அலுவலா் (பொ) ஜி.அரவிந்தன், தமிழ்நாடு மாசு கட்டுப்பாடு வாரிய மாவட்ட சுற்றுச்சூழல் பொறியாளா் கேசவமூா்த்தி, உதவிப் பொறியாளா் மங்கேஷ்கரன், தமிழ்நாடு ஒருங்கிணைந்த கழிவு மேலாண்மை கூட்டமைப்பின் சாா்பில் ஷங்கா், முதன்மைக் கல்வி அலுவலரின் நோ்முக உதவியாளா் சா.உதயகுமாா், வள்ளிபுரம் ஊராட்சி தலைவா் பாா்த்தசாரதி, துணைத் தலைவா் சக்கரவா்த்தி, பள்ளித் தலைமை ஆசிரியா் (பொ) கீதா ஆகியோா் கலந்து கொண்டனா்.

அனைத்து மாணவா்களுக்கும் சாா் ஆட்சியா் மஞ்சப்பையை வழங்கினாா்.